GENESIS 10:32 - Lai (Hakha) Common Language Bible 2006

³² Hi hna hi Noah tefa hna nih an hrinmi hna miphun cu an si, anmahle an i hrinsor ning cio le an phun kalning cio in. Vawlei cung miphun vialte hna hi buanchukcho hnuah Noah fapa hna nih an hrinsormi hna an si.

GENESIS 10:32 ပူးပေါင်းရင်းမြစ်များ

GENESIS 10:1

Noah fapa Shem, Ham le Jafeth i an tefa hna cu hihi an si, buanchukcho hnu i an hrinmi an si:

GENESIS 10:20

Hi hna hi Ham tefa cu an si, an phun cio in an ram cio ah khan khua an sa i anmahle an holh cio kha an hmang.

GENESIS 10:25

Eber nih fapa pahnih a ngeih hna i pakhat cu a min ah Peleg a si, cun a nau cu a min ah Joktan a si; Peleg an saknak a sullam cu amah chan ah khan vawlei mi kha an i ṭhen dih caah a si.

GENESIS 10:31

Hi hna hi Shem tefa cu an si, an phun cio in an ram cio ah khan khua an sa i anmahle an holh cio kha an hmang.

GENESIS 10:5

Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

GENESIS 11:1

Hlanah cun vawleicung mi vialte hna nih hin holh phun khat lawng an rak ngei i bia an rak hmanmi cu an i khat dih.

GENESIS 9:1

Pathian nih Noah le a fapa hna cu thluachuah a pek hna i, “Fa tampi in ngei hna u law nan fale cu vawlei cung khuazakip ah khat hna seh.

GENESIS 9:19

Hi Noah fapa pathum hi vawlei cung mi vialte a hringsortu hna an si.

GENESIS 9:7

Nannih cu fa tampi ngei u law nan tefa hna kha vawlei cung khuazakip ah khat dih hna seh,” a ti.

JOB 15:19

An ram chungah cun ramdangmi an rak um lo i Pathian sinin a tlautertu hna zong an rak um lo).

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.