GENESIS 1:28 - Lai (Hakha) Common Language Bible 2006

²⁸ Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti.

GENESIS 1:28 ပူးပေါင်းရင်းမြစ်များ

GENESIS 1:22

Cun thluachuah a pek hna i, “Ti chung i a ummi thilnung hi karh u law rili hi khat u, va hi tampi in karh u,” tiah a ti hna.

GENESIS 17:16

Amah cu thluachuahnak ka pek lai i fapa pakhat an hrinpiak lai. Amah cu thluachuah ka pek lai i miphun hna nu a si lai; a tefa hna lakah cun siangpahrang zong an um lai,” a ti.

GENESIS 17:20

Ishmael huhphenh awk kha na ka hal, cucaah hitihin ka tuah lai: Ishmael cu thluachuahnak ka pek lai i fa tampi le tefa tampi ka pek lai. Amah cu bawi bawi hleihnih pa a si lai i a tefa cu miphun nganpi ah ka ser hna lai.

GENESIS 24:60

Cun Rebekah cu thluachuah an pek i, “Kan farnu, nang cu mi thong tampi nu ah va cang law, Na tefa hna nih khan an ral hna khuapi kha tei hna seh,” an ti.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 33:5

Esau cu a hnuhmai a hun i mer i nu le ngakchia kha a hmuh hna tikah, “Hi na sin i a ummi hna hi mi zei dah an si?” tiah a hal. Jakob nih, “Bawipa, hi hna hi Pathian nih a ka zaangfahmi ka fale an si,” tiah a leh.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

GENESIS 5:2

Nu le pa in a ser hna i thluachuahnak a pek hna i “Minung phun” tiah min a sak hna).

GENESIS 6:1

Cu tikah cun vawlei cung khuazakip ah minung tampi an um cang i fanu kha an hrin hna.

GENESIS 8:17

Cun saram vialte zong kha chuah hna — va si hna seh, saṭil si hna seh, saram hna phun si hna seh, chuah dih hna law vawlei cungah hin fa hring ṭhan hna seh law karh ṭhan hna seh,” a ti.

GENESIS 9:1

Pathian nih Noah le a fapa hna cu thluachuah a pek hna i, “Fa tampi in ngei hna u law nan fale cu vawlei cung khuazakip ah khat hna seh.

GENESIS 9:7

Nannih cu fa tampi ngei u law nan tefa hna kha vawlei cung khuazakip ah khat dih hna seh,” a ti.

1 CHANRELNAK 26:5

paruknak cu Ammiel, pasarihnak cu Issakhar, pariatnak cu Peullethai a si; zeitintiah Pathian nih thluachuahnak a pek.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

JOB 39:11

Amah cu a thazang a ṭhawng ko nain naa bochan khawh lai maw? Na rian cu amah kha na rinh khawh lai maw?

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

SALM 115:16

Vancung khi Bawipa ta a si, sihmanhsehlaw vawlei hi cu, mi kha a pek hna.

SALM 69:34

Van le vawlei hna, Bawipa cu thangṭhat tuah u, rili le a chung i a ummi thil vialte hna, Bawipa cu thangṭhat tuah u.

SALM 8:6

Na sermi thil vialte a uktu ah na ser i zeizong vialte hna dihlak cungah khan na chiah:

SALM 8:7

tuu le caw le ramlak saram hna,

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

LEVITIKAS 26:9

Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka fehter lai.

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.