GALATI 6:9 - Lai (Hakha) Common Language Bible 2006

⁹ Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

Laibaibal Thiang (BSI)

⁹ Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

GALATI 6:9 ပူးပေါင်းရင်းမြစ်များ

GENESIS 29:7

Cun Jakob nih cun, “Atu cu ni a sangpi rih i saṭil run khumh a cut rih lo caah, zeicahdah ti nan dinh hna lo i nan thlah rih hna lo?” tiah a ti.

SALM 104:27

An herhmi an rawl hmuhnak ah, an dihlak in nangmah kha an in bochan.

SALM 126:5

Mitthli he thlaici a tuhmi nih, lunglawmh aunak he an zun lai;

SALM 145:15

Ruahchannak he na sermi thil nung vialte nih an in zoh i an herhmi rawl kha an herh caan te ah a pek hna.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGCHIMTU 11:1

Na tangka cu chawlehnak ah hmang law ni khatkhat cu a miak na hmuh ko lai.

JEREMIAH 45:3

Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.

LEVITIKAS 26:4

nan ruahpi cu an caan te ah kan pek hna lai i ram nih hin tirawl an chuahpiak hna lai i nan lo chung thing hna nih thei an tlai lai.

ZEFANIAH 3:16

Khi ni ah cun mah hihi Jerusalem sin chim ding bia cu a si lai: Na thinphang hlah, Maw Zion, na kut tha kha dorhter hna hlah.

MALAKHI 1:13

Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saṭil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 24:13

Sihmanhsehlaw a dongh tiangin a fekmi cu khamh an si lai.

MATTHAI 25:17

Cu bantuk ṭhiamṭhiam in thong hnih a hmu mipa zong nih khan a dang thong hnih a miak a hmuh ve.

MATTHAI 9:19

Cucaah Jesuh cu a tho i amah cu a zulh i a zultu hna zong kha a sinah cun an kal ve.

MARKA 3:3

A kut a zengmipa cu Jesuh nih cun a thawh i, “Hmailei ah hin ra chuak tuah,” tiah a ti.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

2 KORIN 4:16

Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

2 KORIN 9:6

Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

DEUTERONOMI 11:14

nannih nih nan rawl le nan mitsur hang le nan chiti kha nan pumhkhawmh khawh hna nakhnga, nan ram caah ruah cu anmah caan te cio ah, tuan deuh ruah le tlai deuh ruah hna cu, an pek hna lai.

2 THESALON 3:13

U le nau hna, ṭhatnak tuah kha ba hlah u.

HEBRU 12:3

A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

HEBRU 12:5

Pathian nih a fale bantukin an chawnhnak hna, lung ṭhawnnak bia kha nan philh cang dahra? “Ka fapa, Bawipa nih an chimhhrin tikah zeirello in um hlah, an sik tikah na lung dong hlah.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

1 PETER 2:15

Zeicahtiah a duhduh in bia a chimmi mihrut kha, thilṭha nan tuahmi in, chim awk hngal loin tuah hna u, ti kha Pathian duhnak a si.

1 PETER 3:17

Chiatnak tuah ruang i innak hmuh nakin ṭhatnak tuah ruang i innak huah cu a ṭha deuh, cucu Pathian duhnak a si,

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:3

Na lung a sau, keimah ruangah harnak na in i na lung a dong lo.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.