GALATI 6:7 - Lai (Hakha) Common Language Bible 2006

⁷ Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

Laibaibal Thiang (BSI)

⁷ Hlen in um hlah u, Pathian cu nihsawh ding a si lo. Mi nih a tuhmi thlaici bangin a zûn te ko lai.

GALATI 6:7 ပူးပေါင်းရင်းမြစ်များ

JOB 15:31

A rian a nganmi kha i bochan in amah le amah i hleng hlah seh, Zeicahtiah a rianṭuanmi cu pakpalawng ah a cang lai.

JOB 4:8

Keimah ka hmuhning ah cun ṭhat lonak lei a thuangtu hna le Harnak a tuhtu hna nih cun, cu ṭhiamṭhiam cu an zun tawn.

PHUNGTHLÛKBIA 1:31

Cucaah annih nih an ziaza theitlai cu an ei lai i Anmah khuakhannak lila nih cun a nor cikcek hna lai.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGTHLÛKBIA 6:14

An lungthin a kawi caah ṭhat lonak khua kha an khan lengmang i rem lonak thlaici kha an tuh thluangthluan;

PHUNGTHLÛKBIA 6:19

Lih a chim lengmangmi tehte le U le nau karlak i rem lonak thlaici a tuhtu.

JEREMIAH 37:9

Hi bangin Bawipa nih a ti, “Khaldi mi nih cun an kan kaltak hrimhrim lai,” tiin nangmah le nangmah cu i hleng hlah, zeicahtiah an in kaltak hna lai lo.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

HOSEA 10:13

Sihmanhsehlaw nannih nih ṭhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

2 KORIN 9:6

Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

1JOHAN 1:8

Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.