GALATI 5:2 - Lai (Hakha) Common Language Bible 2006

² Ka bia hi ngai u, Keimah Paul nih hihi kan chimh hna: Nan cuarpar tan khan nan i lunghmuih a si ahcun, Khrih cu nan caah zeihmanh a si lo tinak a si.

Laibaibal Thiang (BSI)

² A ngaingai ti ahcun, keimah Paul nih, nan sinah ka chim, cuarpar nan tan ahcun Krih nih zeihmanh an ṭhathnem hna lai lo.

GALATI 5:2 ပူးပေါင်းရင်းမြစ်များ

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 15:5

Sihmanhsehlaw zumtu hna lakah khan, Farasi bu chung i a simi an rak um i cu hna nih cun an i thawh i, “Annih cu, cuarpar nan i tan lai i Moses Nawlbia kha nan zulh lai, tiah ti awk an si,” tiah an ti.

1 KORIN 16:21

Paul nih nan kut kan tlaih hna ti hi ka kut hrimhrim in ka ṭial hih.

2 KORIN 10:1

Hmunkhat um vial ah zeihmanh chim ngam ṭung lo, a langhlat vial in a ral a ṭha ngai ṭung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

GALATI 5:11

Ka u le ka nau hna, cuarpartan hi a herh ko ti i ka chim rih a si ahcun, zeicahdah hremnak hi ka in lengmang kun? Cuticun rak chim ning law cu, Khrih vailam tahnak kong ka chimmi nih hin harnak zeihmanh a chuahter hnga lo.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

1THESALON 2:18

Nanmah rak in tlawn ṭhan hna kha kan duh i keimah Paul zong hi nanmah tlawn ṭhan cu kaa tim lengmang, asinain Satan nih a ka onh lo.

FILEMON 1:19

Ka kut hrimhrim in Keimah Paul nih kan cham lai, tiin ka ṭial hih. (Na nunnak hrimhrim na ka bat kha cu, kan chimh ṭhan awk a herh lem lo.)

FILEMON 1:9

asinain dawtnak lei in ka ruah tikah a nawl tu in kan nawl ahcun a ṭha deuh, ka ti. Atu ah keimah tarpa, Khrih Jesuh ruang i thong i a tlami nih nawl kan duhmi cu,

HEBRU 4:2

Annih nih an rak theih bantuk khan, Thawngṭha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a ṭhahnem lo.