GALATI 4:12 - Lai (Hakha) Common Language Bible 2006

¹² Ka u le ka nau hna, keimah bantuk kha si u, tiah kan nawl hna. Kei zong nanmah bantuk pei ka si ve cu. Ka cungah ṭhat lonak nan tuahmi zeihmanh a um lo.

Laibaibal Thiang (BSI)

¹² Unau hna keimah bantuk si dingin kan nawl hna, keizong nanmah bantukin ka um. Fahnâk nanka pe hrimhrim lo.

GALATI 4:12 ပူးပေါင်းရင်းမြစ်များ

GENESIS 34:15

Kan hna a tlak khawh nakhnga dingah thil pakhat lawnglawng a um i cucu pa vialte nan cuarpar nan i tan lawngah a si hnga.

1 SIANGPAHRANG 22:4

Cun Jehoshafat cu a thawh i, “Ramoth-gilead i vaa tuk awkah na ka kalpi hnga maw?” tiah a ti. Cun Jehoshafat nih Israel siangpahrang cu a thawh i, “Kei le nang cu mi khat kan si ko, ka mi cu na mi an si ve ko i ka rang cu na rang an si ve ko,” tiah a ti.

LAMKALTU 21:21

Jentail mi ram chung i a ummi Judah mi vialte kha Moses Nawlbia kha hlaw u law nan fale kha an cuarpar tan hna hlah u law Judah phung kha zul hlah u, a ti hna, tiah nangmah kongah khan bia an theih.

2 KORIN 2:5

Ngaihchiatnak a chuahtertu nih ngaihchiatnak a chuahter tikah, keimah cungah a chuahter si loin nanmah cungah a chuahter a si deuh — perh lo tein, nanmah lak i tlawmpal cu nan ngaih an chiatter ko hna khah — hiti ka chim hi amah kha fak tuk in ti ka duh lo caah a si.

2 KORIN 6:11

Korinth khua i a ummi ka hawi dawtle hna! Hlangfang tein bia kan in chimh hna i kan lung kha kaupi in kan in hunpiak hna.

2 KORIN 6:13

Fale sin biachim bantukin nan sinah ka chim. Nan cung i lungthin kan ngeihmi bantuk hi kan cungah ngei ve u. Nan lung cu kaupi in kan hunpiak u.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

GALATI 4:13

Zei ruangah dah thawngṭha kha ka rak in chimh hna ti cu nan hngalh: ka zawt caah pei a si kha.

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

GALATI 6:18

Ka u le ka nau hna, kan Bawipa Jesuh Khrih vel cu nan dihlak cungah um ko seh. Amen.