GALATI 3:23 - Lai (Hakha) Common Language Bible 2006

²³ Asinain zumhnak caan kha a phak hlan cu Nawlbia nih khan thongtla bantukin a kan hren, cucu zumhnak a langh hlantiang kha a si.

Laibaibal Thiang (BSI)

²³ Asinain zumhnâk a rak phâk hlan i zumh hngami cu langhter a si hlan ah khan nawlbia tangah kilven kan rak si.

GALATI 3:23 ပူးပေါင်းရင်းမြစ်များ

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

ROM 11:32

Pathian nih mi vialte kha nawlngaih lonak chung thongtla i a ser hna cu an dihlak in zaangfah a duh hna caah a si.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

GALATI 3:19

A si ahcun, Nawlbia cu zei sullam ah dah pek a si kun? Zei hi dah palhnak a si ti langhtertu caah khan pek a si i cucu Pathian nih bia aa kammi Abraham tefa a phak hlantiang caah khan a si. Nawlbia cu vancungmi nih khan pek chin a si i a karlak ah lamkaltu minung pakhat kha a rak um.

GALATI 4:21

Nawlbia tang i um a duhmi kha, hi bia hi in hal hnik hna ning: Nawlbia nih a chimmi kha nan thei lo dahra?

GALATI 5:18

Thlarau nih an hruai a si ahcun Nawlbia tangah na um lo.

HEBRU 11:13

Hi mi vialte hna hi zumhnak ngei in an thi. Pathian nih a kamhmi hna cu an hmu lo, sihmanhsehlaw lamhlatpi in an rak hmuh i an rak i lawm i vawlei cungah hin khual le a vakvai menmi kan si, an rak ti.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.