GALATI 2:7 - Lai (Hakha) Common Language Bible 2006

⁷ Cuti ruahnak pek khawh cu vun chim lo, Pathian nih Jentail mi hna sin i thawngṭha chim a ka fial kha a si tak ti tu ah an ti lehlam, Pathian nih Peter cu Judah mi hna sin i thawngṭha chim a fial bantuk khan.

Laibaibal Thiang (BSI)

⁷ Kapkhat lei in, cuarpar tanmi hna caah thawngṭha Peter sinah pêk a si bantukin, cuarpar tanlomi sinah thawngṭha cu ka sinah chiah a si kha an hngalh dih

GALATI 2:7 ပူးပေါင်းရင်းမြစ်များ

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

ROM 11:13

Atu cu nannih Jentail mi kha kan chimh hna: Jentail mi sin lamkaltu ka si chung paoh cu ka rian cu kaa chor ko lai.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,

GALATI 1:18

Kum thum hnuah Peter sinin thawngpang theih duh ah Jerusalem ah ka hung kal i amah sinah cun zarh hnih ka cam.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

1THESALON 2:4

Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam.

1TIMOTE 1:11

Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

2TIMOTE 1:11

Cu Thawngṭha thanhtu dingah Pathian nih lamkaltu le cawnpiaktu ah a ka ser i

2 PETER 3:15

Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si.