GALATI 2:2 - Lai (Hakha) Common Language Bible 2006

² Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

Laibaibal Thiang (BSI)

² Langhnâk ka hmuh ruang i a kalmi ka si, Gentel mi hna sin i thawngṭha ka aupinâk kong ka chimh hna i hmaizahmi hna cu a dang tein ka chimh hna, culoahcun pakpalawng in a tlimi ka si sual lai, asiloah, sullam ngei lo i a tlimi ka si sual lai.

GALATI 2:2 ပူးပေါင်းရင်းမြစ်များ

PHUNGCHIMTU 10:1

Tho thi nih zihmui cu a thawl ning piin a thutter khawh, Cu bantukin hruhnak hmete nih fimnak ngan bik kha a hrawh khawh.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

LAMKALTU 15:4

Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

LAMKALTU 18:9

Zan khat cu Paul nih cun langhnak a hmuh i cu ah cun Bawipa nih a thawh i, “Na thinphang hlah; chim lengmang ko, ngol lai cih,

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

LAMKALTU 5:34

Sihmanhsehlaw an lak i mi pakhat, Farasi a simi a min Gamaliel, Phungbia cawnpiaktu saya, mi vialte nih an hmaizahmi kha khawngsil pawl aa pummi hna lakah cun a hung dir i, lamkaltu hna kha chuahpi hna u, tiah a ti hna.

ROM 9:16

Cucaah mi nih an duhmi thawng le an tuahmi thawngin si loin Pathian zaangfahnak thawng lawngin a si ko.

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 2:2

Zeicahtiah nan sin i ka um lioah khan Jesuh Khrih le vailam i an thahnak kong dah ti lo cu a dang zeihmanh ruah le khah kaa timhmi a um lo.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

1 KORIN 9:26

Kei cu ka tlik tikah tinhmi kawl fiang tein ka ngei; kaa thongh tikah a ping a pang a thongmi bantuk ka si lo.

2 KORIN 12:1

A ṭhathnemnak zeihmanh a um lo hmanh ah kaa porhlawt a hau ko. Atu cu Bawipa nih a ka pekmi langhnak le biathlam kong kha ka chim cang hna lai.

GALATI 1:12

Cu thawngṭha cu minung sinin ka hmuhmi a si lo i minung nih an ka cawnpiakmi zong a si lo. Ka sinah a phuangtu cu Jesuh Khrih hrimhrim kha a si.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

GALATI 2:6

Hruaitu pawl nih khan zeihmanh ruahnak thar an kan pek khawhmi a um lo — hruaitu pawl ka ti hna hi hruaitu an sinak nih hin zeihmanh ka caah dannak a umter hlei lo caah a si; Pathian nih cun lenglei thil zoh in bia a thlek lo.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

GALATI 5:7

Ṭha tein nan rak kal ko. Aho nih dah biatak zulh kha an in ngolter hna?

FILIPI 2:16

an lakah arfi bangin ceu u. Cu ti nan si ahcun Khrih Ni ah nanmah ruangah ka hmai a hngal ngaingai lai i ka ṭuanmi vialte le kaa zuammi vialte kha pakpalawng an si lo ti kha a lang lai.

FILIPI 2:29

Cucaah Bawipa chung i unau pakhat bantukin lunglawmhnak in rak cohlang u. Amah bantuk mi kha hmaizah hna u;

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.