GALATI 2:12 - Lai (Hakha) Common Language Bible 2006

¹² Jeim nih a hun thlahmi pawl an rat hlanah khan cun Peter cu Jentail unau pawl sinah khan rawl a ei lengmang ko. Sihmanhsehlaw an rat hnuah cun a ei duh ti lo, zeicahtiah Jentail mi cu cuarpar tan awk an si a timi pawl kha a ṭih hna.

Laibaibal Thiang (BSI)

¹² Zeitintiah Jeim sinin mi an rat hlan ah cun, Gentel mi hna sinah rawl a ei tawn, asinain cu hna an rak phâk le cângkâ cuarpar tanmi a ṭih hna ruangah an sinin â zuk ṭhân.

GALATI 2:12 ပူးပေါင်းရင်းမြစ်များ

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

ISAIAH 65:5

Cun midang kha an thawh hna i kannih cu mithiang tuk kan si, kan tawng hlah u, an ti hna. Hi bantuk mi cu a in in ka ing kho hna lo — an cung i ka thinhunnak cu a mit kho lomi mei bantuk a si.

LUKA 15:2

Farasi mi hna le Phungbia cawnpiaktu saya hna cu an zai i, “Hi pa hi misual mi kha a rak pomhlawm hna i rawl zong a eipi hna,” an ti.

LUKA 5:38

Cuticun ahohmanh nih an tuah lai lo. Mitsur hang thar cu saphaw thawl a tharmi chungah rawn awk a si.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 12:17

“Dai tein um u,” tiah a kut in a hmuhsak hna i Bawipa nih zeitindah thonginn chungin a chuahnak kha a chimh hna. “Mah hihi Jeim le kan unau dang hna kha va chim hna u,” tiah a ti hna i kaa dang ah a kaltak hna.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

EFESA 2:15

Judah Phung kha a nawlbia vialte le a phunglam vialte he khan a hrawh; cu ti a tuah cu, hi miphun pahnih hna chung hin amah he aa pehtlaimi miphun pakhat a thar ser i cuticun daihnak umter kha a duh caah a si.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

1THESALON 5:22

thil ṭhalo paohpaoh kha hrial hna u.