GALATI 1:7 - Lai (Hakha) Common Language Bible 2006

⁷ A ngaingai ti ahcun, “thawngṭha dang,” timi hi a um lo, asinain hitin ka chimnak cu, nan lung an tuaitamtu hna le Khrih thawngṭha kha thlen aa zuammi an um caah a si.

Laibaibal Thiang (BSI)

⁷ Cucu Thawngṭha a si lo; nanmah buai terin Krih Thawngṭha merh a timmi an si.

GALATI 1:7 ပူးပေါင်းရင်းမြစ်များ

JEREMIAH 23:26

Hi profet hna, lih lawngte a chim i anmah nih an phuah chommi lawng a aupi lengmangtu hna nih hin, zeitik ah khin dik an aw hi an hei thlen te lai?

JEREMIAH 23:36

‘Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

2 KORIN 11:13

Cu hna cu lamkaltu taktak an si lo — annih cu a deu an si, an rian ṭuannak kongah khan lih an chim i Khrih lamkaltu taktak an i lawhter.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

GALATI 4:17

Midang hi nan caah an ṭang ngai ko, asinain an i tinhmi cu a ṭha lo; keimah le nanmah kha ṭhen i nanmah kha anmah lei lawng i ṭanter kha an duh.

GALATI 5:10

Asinain nan kongah ka lung a hmun ko rih. Bawipa chung i kan i pehtlaihnak nih hin, ruahnak dang an ngei bal lai lo, tiah a ka zumhter i an tuaitamtu hna hi, aho a va si zongah, Pathian nih dan a tat ko lai.

GALATI 5:12

An tuaitamtu hna nih hin a dongh tiang lawlaw in tuah hna seh law ka hei duh hnga dah — an til i dit lawlaw hna seh!

GALATI 6:17

Ka bia donghnak ah: ahohmanh nih harnak ka pe ti hlah u. Ka pum cung i a ummi hmape nih hin Jesuh sal ka si cu a langhter ko.

2TIMOTE 2:18

Biatak lam khan an pial i, “Thawhṭhannak cu atu ah hin a si diam cang,” tiin Khrihfa mi a cheu kha an lung an tuai hna.

1JOHAN 2:26

Nanmah hlen an zuammi hna kong hi kan chimh hna.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

2 JOHAN 1:10

Ahohmanh nan sin i an rat tikah hi cawnpiaknak hi an rak i ratpi lo ahcun, tluninn rak onh hna hlah u; “Na cungah daihnak um ko seh,” ti zongah rak ti hna hlah u.

2 JOHAN 1:7

Hlengtu tampi, Jesuh Khrih cu minung in a ra lo pei, a titu hna kha vawlei cungah an i chawk. Cu bantuk mi cu mihlengtu kha an si i Khrih Ral kha an si.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:6

Sihmanhsehlaw hi ṭhatnak hi na ngei, cucu Nikolas zultu pawl nih an tuahmi kha keimah nih ka huat tlukin na huat ve.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.