FILIPI 1:28 - Lai (Hakha) Common Language Bible 2006

²⁸ Nan ral kha ṭih hna hlah u; ralṭha ngaiin um zungzal u law cu nih cun annih an sungh i nannih teitu nan si lai kha a langhter lai — teinak petu cu Pathian a si.

Laibaibal Thiang (BSI)

²⁸ cun nanmah dohtu hna ruang i ṭih lo tein nan umnâk kong kha kan theih khawh lai, cucu an nih caah an kalsualning langhtertu a si i nannih caah Pathian sinin khamhnâk tu a si lai.

FILIPI 1:28 ပူးပေါင်းရင်းမြစ်များ

GENESIS 49:18

“Maw Bawipa na khamhnak cu ka hngak ko.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MARKA 3:3

A kut a zengmipa cu Jesuh nih cun a thawh i, “Hmailei ah hin ra chuak tuah,” tiah a ti.

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

JOHAN 16:8

A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.