FILIPI 1:26 - Lai (Hakha) Common Language Bible 2006

²⁶ Cucaah nan sin i ka um ṭhan tikah, keimah ruang i Khrih Jesuh chung i nan i lawmhnak kha a karh chinchin lai.

Laibaibal Thiang (BSI)

²⁶ nansin ka rat ṭhân lai caah ka ca i nan i lawmhnâk cu Jesuh Krih ah a tam chinchin lai.

FILIPI 1:26 ပူးပေါင်းရင်းမြစ်များ

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

2 KORIN 1:14

Atu cu nan kan hngalhnak hi a tlam a tling lo ngai, sihmanhsehlaw tlamtling tein nan hun kan hngalh te lai ti kha ka zumh i Bawipa Jesuh ni ah cun kan i chawrmi cu nanmah nan si lai bantukin nan i chawrmi zong kanmah kan si ve te lai.

2 KORIN 5:12

Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

2 KORIN 7:14

Amah sinah khan nanmah kongah ka vaa porhlaw i nannih zong nih nan ka deuh ve lo. Nannih cu biatak kha kan in chimh zungzal ko hna. Cu bantukin nanmah kong ah Titas sin i kan i porhlawtnak cu bia hmaan ah a cang.

2 KORIN 7:4

Kaan zumh tuk hringhran hna. Kaan chawr tuk hringhran hna. Harnak kan inmi vialte ah hin lung ṭhawng ngaiin ka um ko rih, lawmhnak in a liam in ka liam ko.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

GALATI 6:4

Kan rian ṭuanmi cu kanmah cio nih a ṭhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a ṭha a ṭhalo ti hau loin, kan lung aa lawm kho lai.

FILIPI 3:1

A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 4:10

Ka zawn nan ka ruahnak kha nan hun parter ṭhan caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.