FILIPI 1:16 - Lai (Hakha) Common Language Bible 2006

¹⁶ Pathian nih Thawngṭha ṭanh awk rian cu a ka thiah kha an hngalh caah, cu bantuk lungthin thiangte he a chimmi hna nih cun, keimah an ka dawtnak lungthin chung khan an chimmi bia cu an chim.

Laibaibal Thiang (BSI)

¹⁶ Ahmasa deuh hna nih lungtak tak si loin, mah zawn ruahnâk le cikcin khih ka sinâk chapchih duhah Krih kong an chim tawn,

FILIPI 1:16 ပူးပေါင်းရင်းမြစ်များ

JOB 16:4

Nang le kei hi umhmun aa thleng ding si u si law nangmah bantuk hin kei zong nih ka chim khawh ve ko hnga. Bia cun kan ṭhuat len ko hnga i ka lu zong kan hrilhhnawh len ko hnga.

JOB 6:14

“Mahle hawi cung i zaangfahnak a ngei lomi cu Lianngan Bik ṭihnak a hlawmi a si.

SALM 69:26

Dan na tat cangmi kha an hrem chinchin hna i nganfahnak na inter cangmi hna kha an thangchiat hna.

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

FILIPI 1:12

Ka u le ka nau hna, ka cung i thil a tlungmi kha Thawngṭha karhtertu a si lehlam ti kha hngalhter kan duh hna.

FILIPI 1:5

zeicahtiah a hramthawk tein nihin ni tiang, hi Thawngṭha rian ka ṭuannak ah hin nan ka bawmh zungzal.

FILIPI 1:7

Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.

FILIPI 2:22

Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngṭha rian kan ṭuan ti kha nan hmuh.

FILIPI 4:15

Nannih Filipi khuami nih nan hngalh ko kha ta, Thawngṭha ka rak chim ka hrawng i Masidonia ram in ka kal ah khan a rak si; nanmah lawnglawng kha bawmhnak a ka petu khrihfabu nan rak si; nanmah lawnglawng kha ka sunghnak siseh, ka miaknak siseh a ka hrawmpitu nan si.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.