EZRA 9:3 - Lai (Hakha) Common Language Bible 2006

³ Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka ṭhu.

EZRA 9:3 ပူးပေါင်းရင်းမြစ်များ

2 SAMUEL 1:11

Khi tikah David nih a thilpuan kha aa tlaih riangmang hna i a thleh hna i cu bantukin amah sin i a ummi vialte nih khan an tuah ve;

2 SIANGPAHRANG 18:37

Cun siangpahrang inn zohkhenhtu Eliakim, Hilkiah fapa le caṭialtu Shebnah le cazin tlaitu Joah, Asaf fapa kha an puan tlek he Hezekiah sinah cun an ra i ralbawi ngan bik bia kha an chimh.

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

JOB 1:20

Khi tikah Job cu a tho i a puan kha a thleh i a lu aa kawngh i vawlei ah a bawk i Pathian kha a biak.

SALM 119:53

Miṭhalo nih na phunglam an hrawh ka hmuh tikah ka thin a hung.

SALM 143:4

Cucaah ka celh ti lo i ka hnabei a dong.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

EZEKIEL 3:15

Cucaah saltang hna sinah cun Tel-abib ah ka phan i annih cu Khebar tiva pawngah an rak um. Ni sarih an sinah ka ṭhu i ka ar ko.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

LEVITIKAS 21:5

An lukheng an i kolh lai lo, an khahmul par zong an riam lai lo, an taksa zong zeihmanh an at lai lo.

MIKAH 1:16

Naa lawmh tawnnak na fale ruangah khan na lu i kawngh tuah; Annih nih an in kaltak i saltannak chungah an luh cang caah langta bantukin na lu i kolh tuah.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.