EZRA 9:14 - Lai (Hakha) Common Language Bible 2006

¹⁴ na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

EZRA 9:14 ပူးပေါင်းရင်းမြစ်များ

EZRA 10:10

Cun tlangbawi Ezra cu a dir i a thawh hna i, “Nannih nih nan palh cang i ramdang nu kha nan ṭhit hna i cuticun Israel mawhnak kha nan karhter cang.

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

NEHEMIAH 13:18

Nan pupa hna nih hi bantukin an tuah caah kan Pathian nih hi ṭhat lonak hi kan cung le hi khua cungah hin a tlunter a si lo maw? Asinain nannih nih sabbath nan buarnak thawngin Israel cungah thinhunnak tam chinchin nan tlunter,” tiah ka ti hna.

EXODUS 23:32

Anmah he biatlaknak zeihmanh nan tuah lai lo, an pathian hna he zong biatlaknak zeihmanh nan tuah lai lo.

EXODUS 32:10

Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

JEREMIAH 44:9

Nan pupa hna ṭhat lonak kha siseh, Judah siangpahrang hna ṭhat lonak kha siseh, an nupile hna ṭhat lonak kha siseh, nanmah ṭhat lonak hrimhrim kha siseh, nan nupile hna ṭhat lonak kha siseh, Judah ram chung le Jerusalem khua chung lam hna i an tuahmi hna kha, nan philh cang hna maw?

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

EZEKIEL 6:8

Sihmanhsehlaw annih cu an thih tikah, miphun hna lakah khan vainam thahnak in a luatmi tlawmpal cu kan zuahpiak hna lai.

NAMBAR 16:21

“Hi aa pummi hna sin hin i ṭhen u, chikkhatte ah ka khangh dih khawh hna nakhnga,” tiah a ti.

NAMBAR 16:45

“Hi mibu chung hin va chuak tuah u, chikkhatte ah ka khangh dih hna nakhnga,” tiah a ti. Cun an bawk.

JOHAN 5:14

A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.

ROM 6:1

A si ahcun zeitindah kan ti lai? Pathian vel cu karh chinchin seh tiah sualnak cu kan tuah chin lengmang lai maw?

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

DEUTERONOMI 9:8

Horeb hmanh ah Bawipa kha a thin na phawh i, na cungah Bawipa cu a thin a hun tuk hringhran caah nangmah kha hrawh awk deng tiang aa tim.

BIACEIHTU 2:2

hi ram i a ummi hna he hin biakamnak zeihmanh na tuah lai lo; an biakṭheng cu na hrawh dih hna lai,’ tiah ka ti. Sihmanhsehlaw nawl kan pekmi cu na ngai lo. Na tuahmi hi zeidah a si?