EZRA 8:22 - Lai (Hakha) Common Language Bible 2006

²² Cun kannih nih, “Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

EZRA 8:22 ပူးပေါင်းရင်းမြစ်များ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

EZRA 7:28

amah nih siangpahrang le a ruahnak petu hna hmai le siangpahrang bawi a ṭhawngmi vialte hna hmaiah khan a fekmi a dawtnak cu ka cungah a chuan. Bawipa, ka Pathian kut cu ka cungah a um caah ka ral a ṭha i Israel mi hna lakin keimah sin i kal awkah hruitu deuhdeuh kha ka thim hna,” a ti.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

EZRA 7:9

thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um.

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

NEHEMIAH 2:9

Cun Tiva Ral ram a uktu bawi hna sinah cun ka va phan i siangpahrang ca cu ka pek hna. Siangpahrang nih keimah sinah cun ralkapbu ralbawi hna le rangcung ralkap hna kha a kalter hna.

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

SALM 34:22

Bawipa nih a sal cu a khamh hna lai; amah tangah aa dormi cu him tein an um lai.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

ṬAHNAK HLA 3:25

Bawipa cu amah aa bochanmi hna vialte cungah a ṭha.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

1 KORIN 9:15

Sihmanhsehlaw hi bantuk thil hi pakhat hmanh nan cungah ka hmang lo, hi ca kan kuat hna zong hi cu bantuk ka duh caah a si lo. A thih hmanh ka thi deuh hnga! Kaa porhlawt lenmi hi ahohmanh pakpalawng ah serter ka duh hna lo.

2 KORIN 7:14

Amah sinah khan nanmah kongah ka vaa porhlaw i nannih zong nih nan ka deuh ve lo. Nannih cu biatak kha kan in chimh zungzal ko hna. Cu bantukin nanmah kong ah Titas sin i kan i porhlawtnak cu bia hmaan ah a cang.

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

JOSHUA 22:16

“Bawipa mibu nih an ning piin, ‘Israel Pathian cungah nan tuahmi rawinak hi zeidah a si, nihin ah Bawipa kha doh awkah Bawipa zulhnak khan nan pial i biakṭheng pakhat nan i ser hi a sullam zeidah a si?

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

1 PETER 3:12

Zeicahtiah Bawipa nih a dingmi cu a mit in a ven hna i an thlacamnak kha a ngaih zungzal; Sihmanhsehlaw ṭhat lonak a tuahmi cu a doh hna.”