EZRA 8:1 - Lai (Hakha) Common Language Bible 2006

¹ Siangpahrang Artazaksis a bawi lio i Babilonia in keimah sinah a hung kal vemi hna cu pale chungkhar lu cio kha an si i mah hihi an tefa hna cu an si:

EZRA 8:1 ပူးပေါင်းရင်းမြစ်များ

1 CHANRELNAK 24:31

Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.

1 CHANRELNAK 26:32

Siangpahrang David nih amah le a unau hna, thil ti kho ngaimi mi thong hnih le za sarih, an pale chungkhar i lu cio a simi hna kha, Reuben mi hna le Gad mi hna le Manasseh phun cheumi hna cung i Pathian lei le siangpahrang rian he aa pehtlaimi zeizong vialte kongah, zohkhenhtu ah a chiah hna.

1 CHANRELNAK 4:33

le hi khua hna pawngkam i a ummi khuate vialte, Baal tiangin, an si. Mah hna hi an umnak hmun an si i annih nih an chuahkehnak caṭial roca kha an i ken.

1 CHANRELNAK 9:1

Cuticun Israel mi vialte cu an chuahkehnak ning cio in minthlak an si i mah cucu Israel Siangpahrang hna Cauk chungah ṭial an si. Cun Judah cu zumhawktlak a si lo ruangah Babilon ah sal ah kalpi an si.

1 CHANRELNAK 9:34

Mah hna hi Levi mi pale hna innchungkhar lu, an chan ning cio in an si, hruaitu an si, i Jerusalem ah khan an um.

2 CHANRELNAK 26:12

Miṭhawngmi ralṭha hna, an pale innchungkhar hna an lu cio cu an dihlak ah thong hnih le za ruk an si.

EZRA 1:5

Khi tikah Judah phun le Benjamin phun chung i pale innchungkhar lu cio a simi hna le tlangbawi hna le Levi mi hna, Bawipa inn Jerusalem i a ummi sak ṭhan awkah Pathian nih an lungthin a canghtermi vialte kha an tho i,

EZRA 2:2

Annih cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah sin i a kirmi an si. Israel mi cu hi zat hi an si:

EZRA 2:3

Parosh hrinthlak hna cu thong hnih, za khat sawm sarih le pahnih an si.

EZRA 2:62

Hi hna nih hin pupa chanrelnak i a min khumh a simi hna lakah khan an minthlaknak cu an kawl i sihmanhsehlaw an hmu lo, cucaah tlangbawi sinak chung khan a thianglo ah ruah an si caah chuah an si;

EZRA 7:13

Atu cu keimah nih nawlbia ka chuah i ka ram chung i a ummi Israel mi ahopaoh si hna seh, an tlangbawi si hna seh, Levi mi si hna seh, Jerusalem ah mah lungtho tein kal a duhmi paoh cu nangmah sinah an kal kho lai.

EZRA 7:28

amah nih siangpahrang le a ruahnak petu hna hmai le siangpahrang bawi a ṭhawngmi vialte hna hmaiah khan a fekmi a dawtnak cu ka cungah a chuan. Bawipa, ka Pathian kut cu ka cungah a um caah ka ral a ṭha i Israel mi hna lakin keimah sin i kal awkah hruitu deuhdeuh kha ka thim hna,” a ti.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

EZRA 7:7

Cun Artazaksis a bawi kum sarihnak ah khan Israel mi tlawmpal, tlangbawi tlawmpal, Levi mi tlawmpal, hlasatu hna, kutka cawngtu hna le biakinn rianṭuantu hna kha Jerusalem ah amah he cun an hung kal.

EZRA 8:2

Finehas tefa hna chungin Gershom. Ithamar tefa hna chungin Daniel. David tefa hna chungin Shekaniah fapa Hattush,