EZRA 7:27 - Lai (Hakha) Common Language Bible 2006

²⁷ Ezra nih, “Bawipa, kan pupa hna Pathian cu thangṭhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i

EZRA 7:27 ပူးပေါင်းရင်းမြစ်များ

2 CHANRELNAK 31:8

Hezekiah le bawi pawl kha an rat i thil pon kha an hmuh tikah, Bawipa le a mi Israel mi hna cu an thangṭhat hna.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

NEHEMIAH 2:12

Cun zan ah keimah sin i a ummi mi tlawmpal he khan ka tho; sihmanhsehlaw Jerusalem khua ca i tuah awkah Pathian nih ka lung chungah a chuahtermi tu cu ahohmanh ka chim hna lo. Kaa citmi saṭil dah ti lo cu ka sinah saṭil zeihmanh an um lo.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

NEHEMIAH 7:5

Cun Pathian nih tuavon hna le bawi hna le mi zapi hna kha an chuahkehnak ningin minthlak awk i pumhter awkah ka lung chungah ruahnak a ka pek. Cun a hmasa bik ah a rami hna chuahkehnak cauk kha ka hmuh i cu chungah cun hitin aa ṭial kha ka hmuh:

EXODUS 8:9

Moses nih Faro cu, “Utlak nih cun nanmah le nan inn hna kha an in kaltak hna i tiva chung lawngah an um nakhnga, zeitik ah dah nangmah ca le na bawi pawl hna ca le na mi hna caah cun thla cu ka cam lai, ka chim tuah,” a ti.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ISAIAH 60:13

“Far thing le Junipar thing le saipres thing, Lebanon tupi chung i thing ṭha bikbik hna kha, nangmah Jerusalem remhnak ah le ka biakinn dawhternak ah le ka khuapi dawhternak caah an rak phorh hna lai.

LUKA 7:5

Kan miphun hi a kan dawt i amah hrimhrim nih pumhnak inn a kan sakpiak,” an ti.

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.

FILIPI 4:10

Ka zawn nan ka ruahnak kha nan hun parter ṭhan caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si.

HEBRU 10:16

“Hmailei caan ah annih he ka tuah laimi biakamnak cu hihi a si: An lung chungah ka nawlbia kha ka chiah hna lai i An ruahnak chungah ka ṭial hna lai,” a ti.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

BIAPHUAN 17:17

Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an ṭuan i uknak nawl an ngeihmi kha sahrang cu an pek.