EZRA 7:25 - Lai (Hakha) Common Language Bible 2006

²⁵ “Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

EZRA 7:25 ပူးပေါင်းရင်းမြစ်များ

GENESIS 41:38

annih cu a thawh hna i, “Hi bantuk mi hi a dang khuazei ah dah kan hmuh khawh ti hna lai, Pathian thlarau nih a umpimi hi?” a ti.

GENESIS 41:39

Cucaah Faro nih Josef cu, “Pathian nih hi vialte cu nangmah kha an hmuhsak caah nangmah nakin hngalhnak a ngei deuhmi le a fim deuhmi an um ti lo.

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

2 SIANGPAHRANG 17:27

Cun Assiria siangpahrang nih khan, “Khika in nan ratpimi tlangbawi hna lakin pakhat cu khika ah khan kua ṭhan u; cun va kal seh law khika ah va um seh law cu ram pathian phunglam cu va cawnpiak hna seh,” tiah nawl a pek.

1 CHANRELNAK 22:12

Nangmah cu Israel mi zohkhenh awk ṭuanvo kha an pek tikah Bawipa na Pathian phungbia cu na zulh nakhnga, Bawipa nih fimnak le hngalhthiamnak in pe ko seh.

1 CHANRELNAK 23:4

David nih, “Hi hna chung hin sang hnih le thong li nih Bawipa innchung rianṭuan kha an ṭuanvo a si lai i thong ruk cu biaceihtu le bawi an si lai,

EZRA 10:4

Mah cucu na rian a si caah tho law, tuah ko, ṭih hlah, na sinah kan ṭang,” tiah a ti.

EZRA 6:6

“Cucaah Tattenai, Tiva Ral ram uktu bawi, Shethar-bozenai le nan hawikom Tiva Ral ram uktu bawi a simi hna, rak naih hna hlah u;

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

EZRA 7:14

Zeitintiah nangmah kut chung i a ummi na Pathian phungbia bangin Judah le Jerusalem kong kha va dothlat awkah, nangmah cu siangpahrang le a ruahnak petu pasarih hna nih kan in thlah,

NEHEMIAH 9:3

Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

PHUNGTHLÛKBIA 6:23

Zeicahtiah nawlbia cu meiinn a si i cawnpiaknak cu ceunak a si,

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MARKA 6:34

Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

DEUTERONOMI 16:18

“Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.