EZRA 7:24 - Lai (Hakha) Common Language Bible 2006

²⁴ Cun hi Pathian inn chung tlangbawi si hna seh, Levi mi si hna seh, hlasatu si hna seh, kutka cawngtu si hna seh, biakinn rianṭuantu si hna seh, rianṭuantu dangdang si hna seh, ahohmanh ngunkhuai siseh, thil ngeih man siseh, lam hman man siseh, thawhter cu a phung a si lai lo ti zong kha kan in theihter hna.

EZRA 7:24 ပူးပေါင်းရင်းမြစ်များ

GENESIS 47:22

A cawk lomi ram cu tlangbawi hna ram a simi lawnglawng kha an si. Annih cu Faro nih ei awk a pek hna caah an ram zuarh cu a hau lo.

GENESIS 47:26

Cuticun Josef nih Izipt ram chungah cun upadi pakhat a ser i cu upadi ah cun rawl a chuakmi vialte kha cheu nga cheu khat cu Faro ta a si. Cu upadi cu nihin tiang hin a hmun ko. Tlangbawi hna ram lawnglawng Faro ta ah cun an cang lo.

EZRA 4:13

Hi khua hi an remh ṭhan i a kulhnak vampang cu an lim hna ahcun, ngunkhuai le thil ngeih man le lam hman man kha an pe duh lai lo i siangpahrang tangka hmuhnak kha an donhkhanh lai ti kha siangpahrang nih rak hngal ko seh.

EZRA 4:20

Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.

EZRA 7:7

Cun Artazaksis a bawi kum sarihnak ah khan Israel mi tlawmpal, tlangbawi tlawmpal, Levi mi tlawmpal, hlasatu hna, kutka cawngtu hna le biakinn rianṭuantu hna kha Jerusalem ah amah he cun an hung kal.

NEHEMIAH 5:4

a cheu nih, “Siangpahrang sin pek awk ngunkhuai ca i tangka kan cawimi biahrennak caah kan lo le kan mitsur dum kha kan hman lengmang cang hna,” an ti.

MATTHAI 9:9

Cuka hmun cun Jesuh cu a chuak i a kalpah ah khan ngunkhuai khawltu Matthai a zung i a rak ṭhut ko kha a hmuh. Amah cu, “Ka zul,” tiah a ti. Matthai cu a tho i a zulh.