EZRA 7:16 - Lai (Hakha) Common Language Bible 2006

¹⁶ Babilonia ram i na hmuh laimi ngun le sui vialte le Jerusalem i a ummi an Pathian inn ca i mah lungtho tein biakamnak in mizapi hna le tlangbawi hna nih mah lungtho tein an thawhmi vialte zong kha na hei phorh lai.

EZRA 7:16 ပူးပေါင်းရင်းမြစ်များ

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

1 CHANRELNAK 29:6

Cun pale hna innchungkhar lu cio nih khan mah lungtho tein an thawhlawm cu an thawh hna i phun hruitu hna le a thongthong pawl haotu hna le a zaza pawl haotu hna le siangpahrang rian i bawi hna zong nih khan mah bantuk cun an tuah ve.

1 CHANRELNAK 29:9

Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm.

2 CHANRELNAK 31:14

Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a ṭhen awk an si.

2 CHANRELNAK 6:2

A sunglawimi inn kan sakpiak cang, Zungzal in na umnak ding caah,” tiah a ti.

2 CHANRELNAK 6:5

‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo i ka mi Israel mi hna cung i bawi caah ahohmanh ka thim hna lo;

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

EZRA 1:4

cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saṭil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

EZRA 1:6

an pawngkam i a ummi vialte hna nih khan ngun umkheng le sui le thilri le saṭil le a man a fakmi thilri khan, mah lungtho tein thawhmi thil ri lengah khan an bawmh hna.

SALM 135:21

Bawipa cu Zion ah thangṭhat u, a inn Jerusalem ah thangṭhat u. Bawipa cu thangṭhat u.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.