EZRA 7:15 - Lai (Hakha) Common Language Bible 2006

¹⁵ cun siangpahrang le a ruahnak petu hna nih Jerusalem i a ummi Israel Pathian caah mah lungtho tein an thawhmi ngun le sui le

EZRA 7:15 ပူးပေါင်းရင်းမြစ်များ

1 CHANRELNAK 29:6

Cun pale hna innchungkhar lu cio nih khan mah lungtho tein an thawhlawm cu an thawh hna i phun hruitu hna le a thongthong pawl haotu hna le a zaza pawl haotu hna le siangpahrang rian i bawi hna zong nih khan mah bantuk cun an tuah ve.

2 CHANRELNAK 2:6

Asinain vancung, a sang bik vancung hmanh nih khin amah cu a tlum lo caah, aho nih dah inn cu a sakpiak khawh lai? Amah hmai i zihmui khanghnak hmun ca men ah dah ti lo ahcun, amah ca i inn sa dingah cun kei cu aho hen dah ka si i?

2 CHANRELNAK 32:23

Cun mi tampi nih Bawipa sinah Jerusalem ah khan laksawng an rak put i Judah siangpahrang Hezekiah sinah khan thil man sung an rak put hna, cucaah cu caan thawk in hmailei ah cun miphun vialte hna mithmuh ah khan hlorh a si.

2 CHANRELNAK 6:2

A sunglawimi inn kan sakpiak cang, Zungzal in na umnak ding caah,” tiah a ti.

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

EZRA 1:6

an pawngkam i a ummi vialte hna nih khan ngun umkheng le sui le thilri le saṭil le a man a fakmi thilri khan, mah lungtho tein thawhmi thil ri lengah khan an bawmh hna.

EZRA 6:12

Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh,” a ti.

EZRA 6:4

lung ngan pipi tlar thum in an um lai i a thing cu tlar khat a si lai; cun a man cu siangpahrang tangka in pek si seh.

EZRA 7:14

Zeitintiah nangmah kut chung i a ummi na Pathian phungbia bangin Judah le Jerusalem kong kha va dothlat awkah, nangmah cu siangpahrang le a ruahnak petu pasarih hna nih kan in thlah,

EZRA 8:25

Cun siangpahrang le a fim chimtu hna le a bawi hna le khika i a ummi Israel mi vialte nih, kan Pathian inn ca i an thawhmi ngun le sui le umkheng hna cu an sinah ka thlai i ka pek hna;

SALM 135:21

Bawipa cu Zion ah thangṭhat u, a inn Jerusalem ah thangṭhat u. Bawipa cu thangṭhat u.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 76:11

Kan in pek lai tiah nan i kammi kha Bawipa nan Pathian cu pe u; kan pawngkam i a ummi miphun hna, Bawipa cu laksawng ra pe u. Pathian nih minung cu amah ṭih dingin a ser hna,

SALM 76:2

A umnak inn cu Jerusalem ah khan a si i Zion Tlang cungah khan khua a sa.

SALM 9:11

Zion ah a ummi Bawipa cu hla in thangṭhat u, a tuahmi thil kha miphun kip chim hna u.