EZRA 7:13 - Lai (Hakha) Common Language Bible 2006

¹³ Atu cu keimah nih nawlbia ka chuah i ka ram chung i a ummi Israel mi ahopaoh si hna seh, an tlangbawi si hna seh, Levi mi si hna seh, Jerusalem ah mah lungtho tein kal a duhmi paoh cu nangmah sinah an kal kho lai.

EZRA 7:13 ပူးပေါင်းရင်းမြစ်များ

2 CHANRELNAK 30:5

Cucaah Israel ram chung dihlak khan, Beersheba in Dan tiang thawng thanh i Jerusalem ah nan ra lai i Bawipa, Israel Pathian i Lanhtak Puai cu nan hman lai tiin mizapi kha thawngthanh awkah khan bia an chuah; zeicahtiah an tining bang khan tampi nih an hmang lo.

EZRA 1:3

Nannih amah mi vialte hna, nan sin i a ummi paoh cu a sinah a Pathian kha um seh law, Judah ram i a ummi Jerusalem khua ah cun hung kal seh, cun Bawipa, Israel Pathian inn cu hung sa seh — amah cu Jerusalem i a ummi Pathian cu a si;

EZRA 5:13

Sihmanhsehlaw Babilon uktu siangpahrang Sairas a bawi kum khatnak ah, Sairas siangpahrang nih cun hi Pathian inn hi remh ṭhan a si nakhnga nawlbia a chuah.

EZRA 6:1

Cun Darius siangpahrang nih cun nawlbia a chuah i Babilonia i ca an chiahnak thilhlunkhonnak inn chung cu an kawl.

ESTHER 3:15

Siangpahrang nawl in ca phortu hna cu khulrang in an kal i nawlbia cu Susa khuapi ah khan an chuah. Cun Siangpahrang le Haman cu zu din awkah an ṭhu; sihmanhsehlaw Susa khuapi cu i tuai ur in a um.

ESTHER 9:14

Cucaah mah cucu tuah awkah siangpahrang nih nawlbia a ser i Susa khua chungah cun biakhiahnak a chuah i Haman fapa pahra hna cu an thlai hna.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 148:6

amah nawl pekmi thawngin annih cu an umnak hmun cio ah khan zungzal in an um i a nawl ngai loin an um lo.

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.