EZRA 6:22 - Lai (Hakha) Common Language Bible 2006

²² Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

EZRA 6:22 ပူးပေါင်းရင်းမြစ်များ

2 SIANGPAHRANG 23:29

Amah chan ah cun, Izipt siangpahrang Faro Neko cu Assiria siangpahrang sinah Zufrates tiva ah a hung kal. Josiah Siangpahrang cu amah ton awkah khan a kal; cun a rak hmuh tikah Faro Neko nih cun Megiddo ah a rak thah.

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 29:30

Cun siangpahrang Hezekiah le bawi hna nih khan Levi mi hna cu David bia le hmutu Asaf bia in Bawipa cu hla in thangṭhat u, tiah nawl an pek hna. Cun annih nih lunglawmhnak in thangṭhatnak hla kha an sak i an kun i an biak.

2 CHANRELNAK 30:21

Cun Jerusalem i a ummi Israel mi hna nih cun thilnu telh lo changreu puai cu ni sarih chung lunglawm ngaingai in an hman; cun Levi mi hna le tlangbawi hna nih khan Bawipa cu ni fate an thangṭhat i Bawipa cu an thazang dihlak in hla in an hlorh.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

2 CHANRELNAK 35:17

Cun Israel mi a ummi hna nih cun khi caan ah Lanhtak Puai kha an tuah i thilnu telhlo changreu puai kha ni sarih an tuah.

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 6:1

Cun Darius siangpahrang nih cun nawlbia a chuah i Babilonia i ca an chiahnak thilhlunkhonnak inn chung cu an kawl.

EZRA 7:27

Ezra nih, “Bawipa, kan pupa hna Pathian cu thangṭhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i

NEHEMIAH 13:6

Cun mah thil a si lioah hin kei cu Jerusalem ah ka um lo, zeicahtiah Babilon siangpahrang Artazaksis a bawi kum sawm thum le kum hnihnak ah siangpahrang sinah cun ka va kal. Cun tlawmpal hnuah khin siangpahrang cu a khonh ka hal i

PHUNGTHLÛKBIA 16:7

Mi cu a umtuning kha Bawipa duhning a si ahcun, a ral hna hmanh kha amah he i rem tein a umter hna.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

EZEKIEL 23:23

Babilon mi hna le hi Khaldi mi vialte hna le Pekod, Shoa le Koa phun mi hna le an sin i a ummi Assiria mi vialte hna hi, na cungah an thin ka hunter hna lai. Annih cu tlangval dawhdawh, bawi nganngan le uktu bawi hna le ralbawi hna, bawi min thangthang, rangcung i aa citmi an si.

MATTHAI 26:17

Thilnu Cawh Lo Changreu Puai a ni hmasa bik ah khan, a zultu kha Jesuh sinah cun an ra i, “Khuazei ah dah Lanhtak Puai Zanriah cu va tim u ti na kan duh?” tiah an ti.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.