EZRA 6:17 - Lai (Hakha) Common Language Bible 2006

¹⁷ Hi Pathian inn pekchanhnak ah hin cawtum za khat, tuukawng za hnih le tuufa za li an pekchanh i Israel mi vialte sual thawinak caah Israel mi an phun ning zat in mehehtum hleihnih an pekchanh,

EZRA 6:17 ပူးပေါင်းရင်းမြစ်များ

1 SIANGPAHRANG 18:31

Bawipa bia a sinah a phan i, “Na min cu Israel a si lai,” tiah a timi Jakob i a fapa hna an phun zat khan Elijah nih lung hlei hnih aa lak i

1 SIANGPAHRANG 8:62

Cun siangpahrang le a sinah a ummi Israel mi vialte nih Bawipa hmaiah raithawinak an pekchanh.

2 CHANRELNAK 29:24

tlangbawi hna nih khan an thah hna i an thi cun Israel mi vialte ca i remnak sernak ah biakṭheng cungah khan sual thawinak an tuah. Zeitintiah siangpahrang nih khan khangh thawinak kha le sual thawinak kha Israel mi vialte caah tuah awk a si lai tiin nawl a pek hna.

2 CHANRELNAK 7:5

Siangpahrang Solomon nih raithawinak caah cawtum sang hnih le thong hnih le tuu sing khat le sang hnih a pekchanh. Cuticun siangpahrang le mi vialte nih khan Pathian inn cu an pekchanh.

EZRA 8:35

Khi caan ah khan, sal taannak in a kir cangmi, sal chuak pawl nih khan Israel Pathian sinah cun khangh thawinak, Israel mi vialte caah cawtum hleihnih, tuukawng sawm kua le paruk, tuufa sawm sarih le pasarih, cun sual thawinak caah mehehtum hleihnih an pekchanh; mah vialte hi Bawipa sin i pekchanhmi khangh thawinak a si.

LEVITIKAS 4:28

sualnak a tuahmi kha a hngalh tikah aa thawinak caah meheh pakhat, a nu dotla, a tuahmi a sualnak caah cun a rak put lai.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

BIAPHUAN 21:12

Kulhnak vampang nganpi a sang ngaimi pakhat a ngei i cu kulhnak vampang ah cun kutka hleihnih an um i cu kutka hleihnih cu vancungmi hleihnih nih an cawngh hna. Cu kutka ah cun Israel mi phun hleihnih min kha an i ṭial.