EZRA 6:14 - Lai (Hakha) Common Language Bible 2006

¹⁴ Cun profet Haggai le Iddo fapa Zekhariah chimnak thawngin Judah mi upa hna nih cun an sak i an hma a kal. Israel Pathian nawlbia le Persia siangpahrang Sairas, Darius, le Artazaksis nawl peknak thawngin, an inn sak cu an lim;

EZRA 6:14 ပူးပေါင်းရင်းမြစ်များ

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 4:24

Cucaah Bawipa inn Jerusalem i a ummi i an ṭuannak cu ngol a si; cun Persia siangpahrang Darius a bawi kum hnihnak tiang ngol a si.

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, “Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai,” tiah an ti hna.

EZRA 5:1

Profet Haggai le Iddo fapa profet Zekhariah nih khan, Judah le Jerusalem i a ummi Judah mi hna sinah cun, an cung i a ummi Israel Pathian min khan bia an chim.

EZRA 5:13

Sihmanhsehlaw Babilon uktu siangpahrang Sairas a bawi kum khatnak ah, Sairas siangpahrang nih cun hi Pathian inn hi remh ṭhan a si nakhnga nawlbia a chuah.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

EZRA 6:3

Sairas siangpahrang a bawi kum khatnak ah, Sairas siangpahrang nih nawlbia a chuah: Jerusalem i a ummi Pathian kongah, raithawinak an pekchanhnak le khangh thawinak an rak putnak hmun inn cu sak ṭhan si seh; a san cu dong sawm ruk a si lai i a vang cu dong sawm ruk a si lai,

EZRA 6:8

Cuhleiah hi Pathian inn sak ṭhannak caah hin Judah mi upa hna caah hin zeidah nan tuah awk a simi kongah nawlbia ka chuah cang; hi mi hna hi a man cu tling tein le rau lo tein, siangpahrang tangka, Tiva Ral ram nih ngunkhuai an thawhmi chung khan pek an si lai.

EZRA 7:1

Cun hi hnuah hin Persia siangpahrang Artazaksis chan ah Ezra cu Babilon in a hung kal; Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si;

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

NEHEMIAH 6:15

Cucaah kulhnak vampang cu Elul thla ni kul le ni nga ni ah, ni sawm nga le ni hnih chungah lim a si.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

HAGGAI 1:1

Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan.

HAGGAI 1:8

Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah Bawipa nih a ti.

ZEKHARIAH 1:1

Siangpahrang Darius a bawi kum hnih kum, thla riat thla ah, Bawipa bia cu profet Zekhariah sinah a phan; Zekhariah cu Berekhiah fapa a si, Berekhiah cu lddo fapa a si:

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.