EZRA 6:1 - Lai (Hakha) Common Language Bible 2006

¹ Cun Darius siangpahrang nih cun nawlbia a chuah i Babilonia i ca an chiahnak thilhlunkhonnak inn chung cu an kawl.

EZRA 6:1 ပူးပေါင်းရင်းမြစ်များ

EZRA 4:15

na pupa hna cazin khumhnak cauk chung kha rak kawl u law, cazin khumhnak cauk chungah cun hi khua hi hlanlio piin ralthawh hmangmi khua, siangpahrang le ram ca i intuarnak petu, a chung i ral thawhnak tuah tawnnak a si kha na hmuh lai. Cucaah cun pei hi khua cu hrawh a rak si cu.

EZRA 4:19

Cun nawl ka pek hna i an kawl i, hlanlio piin hi khua hi siangpahrang hna doh awkah ral a tho i a chungah hin dohnak le tuknak khuakhan a si tawn ti kha hmuh a si.

EZRA 5:17

Cucaah siangpahrang nih a ṭha tiah a ruah ahcun, Babilon i siangpahrang thilhlun khonnak ah khan rak kawl hna seh law, hi Pathian inn Jerusalem i a ummi sak ṭhannak caah hin Siangpahrang Sairas nih nawlbia a chuah maw chuah lo rak zoh hna seh. Cun siangpahrang nih hi kong i a duhnak kha kan kua seh,” tiah an ti.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

EZRA 7:13

Atu cu keimah nih nawlbia ka chuah i ka ram chung i a ummi Israel mi ahopaoh si hna seh, an tlangbawi si hna seh, Levi mi si hna seh, Jerusalem ah mah lungtho tein kal a duhmi paoh cu nangmah sinah an kal kho lai.

JOB 29:16

Sifakmi caah an pa ka rak si i, Khual kha an bia ka rak chimpiak hna.

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

PHUNGTHLÛKBIA 25:2

Pathian nih thil a thuh hi a sunparnak a si; Sihmanhsehlaw siangpahrang hna sunparnak tu cu thil fianter hi a si.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.

EZEKIEL 2:9

Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa ṭial dih, mithi ngaihnak hla le ṭahnak hla le ngaihchiatnak bia in aa ṭial dih.

EZEKIEL 3:1

Cun a ka thawh i, “Mipa, na hmai i a ummi kha ei tuah, hi cazual hi ei tuah; cun va kal law Israel mi kha bia va chim hna,” tiah a ti.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

BIAPHUAN 5:1

Bawiṭhutdan cung i a ṭhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa ṭial dih i cakhenh pasarih in an khenh chih.