EZRA 5:16 - Lai (Hakha) Common Language Bible 2006

¹⁶ Khi tikah hi Sheshbazzar cu a ra i Pathian inn Jerusalem i a ummi hram kha a bunh; cu caan thawk in atu tiang sak lengmang a si ko i a dih rih lo,’ an ti.

EZRA 5:16 ပူးပေါင်းရင်းမြစ်များ

EZRA 3:10

Cun inn satu hna nih Bawipa biaknak inn hram kha an bunh tikah, Israel siangpahrang David lam hmuhsaknak ningin, Bawipa cu thangṭhat awkah, tlangbawi hna kha an thilthuam in an i fam i muko he an hung chuak, cun Levi mi hna, Asaf fapa hna kha an sumsel he an hung chuak;

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 5:14

Cun Pathian inn chung i sui le ngun umkheng hna, Nebukhadnezzar nih Jerusalem khua i a ummi biakinn chungin a chuah i Babilon i a ummi biakinn chungah a kalpimi hna cu, hi thil hna cu Siangpahrang Sairas nih Babilon biakinn khan a chuah hna i amah nih uktu bawi ah a sermi mipa pakhat a min Sheshbazzar a simi sinah khan a pek;

EZRA 5:15

cun amah cu a thawh i, “Hi umkheng hna hi i lak hna law va kal law Jerusalem i a um mi biakinn ah khan va chia hna, cun Pathian inn cu a hmun ah khan sak ṭhan si seh,” tiah a ti.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

EZRA 6:15

cun hi inn cu Darius siangpahrang a bawi kum ruknak kum Adar thla ni thum ni ah lim a si.

HAGGAI 2:18

Nihin ni thawk hin hmailei cu ṭha tein ruat cang tuah u, thla kua thla, ni kul le ni li ni thawk hin. Bawipa biakinn hram nan bunh ni thawk hin ruat cang tuah u.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

JOHAN 2:20

“Ni thum chungah na sak ṭhan ko hnga ti? Hi biakinn sak ah hin kum sawm li le kum ruk pei an rak rauh,” an ti.