EZRA 5:12 - Lai (Hakha) Common Language Bible 2006

¹² Sihmanhsehlaw kan pupa hna nih vancung Pathian cu a thin an phawh caah Khaldi mi Babilon siangpahrang Nebukhadnezzar kut chungah annih cu a rak chanh hna i amah nih cun hi inn hi a hrawh i mi cu Babilon ah a rak kalpi hna.

EZRA 5:12 ပူးပေါင်းရင်းမြစ်များ

2 SIANGPAHRANG 24:2

Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

2 SIANGPAHRANG 25:1

A bawi a kum kuanak, thla hranak thla, a ni hra ni ah, Babilon siangpahrang Nebukhadnezzar nih cun a ralkap vialte he Jerusalem cu a rathnawh i an dum; cun raldohnak chuntlung kha a velchum in an ser.

2 CHANRELNAK 36:20

Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang;

SALM 106:40

Cucaah Bawipa cu a mi hna cungah khan a thin a hung i a fih in a fih hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

JEREMIAH 5:29

Hi thil hna ruangah hin dantat loin maw ka um hna hnga? Miphun hi bantuk cungah hin phuhlam loin maw ka um hnga? tiah Bawipa nih a ti.

JEREMIAH 51:59

Mahseiah fapa Neriah i fapa Seraiah cu Zedekiah Siangpahrang a zohkhenhtu bawi a si. Judah siangpahrang Zedekiah a bawi kum li kum ah cun Seraiah cu Babilon ah a kal i Jeremiah nih bia a cah.

JEREMIAH 52:12

Babilon siangpahrang a bawi kum hleikuanak, thla nganak thla, cu thla ni hra ni ah khan, Babilon siangpahrang pum ralvengtu ralkap hna haotu Nebuzaradan cu Jerusalem ah a lut.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

BIACEIHTU 4:2

Cun Bawipa nih Kanaan siangpahrang Jabin, Hazor i siangpahrang a simi kut chungah khan a zuarh hna; a ralbawi cu Harosheth-Hagoiim i a ummi Sisera a si.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.