EZRA 4:6 - Lai (Hakha) Common Language Bible 2006

⁶ Cun Ahasuerus pen chung, pen aa domh kum ah khin, Judah le Jerusalem i a ummi hna sual puhnak ah ca an ṭial.

EZRA 4:6 ပူးပေါင်းရင်းမြစ်များ

GENESIS 26:21

Isak salle pawl nih cun tikhor a dang pakhat an cawh ṭhan i cu kongah cun siknak a um ṭhiamṭhiam, cucaah a min ah, Sitnah a sak.

EZRA 4:5

cun Persia siangpahrang Sairas nun chung vialte, Persia siangpahrang Darius a bawi tiangin, an i tinhmi cu a pelh khawh nakhnga annih nih fimchimtu kha an i roih hna.

ESTHER 1:1

Ahasuerus chan, India ram in Ethiopia ram tiang, ram za khat le ram kul le ram sarih a uktu Ahasuerus chan ah khan,

ESTHER 1:10

A ni sarihnak ni, siangpahrang cu zu nih a lung a lawmhter ni ah cun, inn zohkhenhtu a simi hna tildit pasarih Mehuman, Biztha, Harbona, Bigtha le Abagtha, Zethar le Karkas hna cu nawl a pek hna i

ESTHER 2:16

Cun Esther cu Ahasuerus Siangpahrang sinah, thla hranak thla, Tebeth thla, siangpahrang a si kum sarihnak ah, a siangpahrang inn chungah khan an vun luhpi tikah

ESTHER 3:8

Cun Haman nih Siangpahrang Ahasuerus cu a thawh i, “Na ram chung i peng dihlak ah hin, a kenkip le mi kip sinah aa ṭhekmi miphun pakhat an um; an phunglam cu midang hna phunglam he khan an i dang i annih nih siangpahrang nawlbia kha ngaih an duh lo caah annih cu hi bantukin in ko ahcun siangpahrang caah miaknak zeihmanh a um lai lo.

DANIEL 11:2

Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a ṭhawnnak kha a chawva in a vun karhter tikah Grik pennak doh awkah vawlei pumpi kha a ṭhanghter lai.

DANIEL 9:1

Ahasuerus fapa Darius (a chuahkehnak lei in ti ahcun amah cu Media mi a si i amah cu Khaldi mi hna ram chung bawi i sermi a si) a bawi kum khatnak ah,

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

LAMKALTU 24:13

Cu pinah sual an ka phawtmi zong hi ahmaan tiah an ti khawhnak zeihmanh a um lo.

LAMKALTU 25:7

Paul cu a hung phanh tikah Jerusalem in a rami Judah mi hna kha a velchum cun an dir i hi pa nih hin sual fak tampi a tuah tiin sualphawt hram kha an thawk, sihmanhsehlaw an puhmi kha ahmaan tiah an ti khawhmi a um lo.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.