EZRA 4:24 - Lai (Hakha) Common Language Bible 2006

²⁴ Cucaah Bawipa inn Jerusalem i a ummi i an ṭuannak cu ngol a si; cun Persia siangpahrang Darius a bawi kum hnihnak tiang ngol a si.

EZRA 4:24 ပူးပေါင်းရင်းမြစ်များ

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 4:23

Siangpahrang Artazaksis cakuat khawpi cu Rehum le caṭialtu Shimshai le an hawikom hna hmaiah khan rel a si tikah, Jerusalem i a ummi Judah mi sinah khan khulrang in an va kal i zaang-ennak le thazang in an ngolter hna.

EZRA 4:5

cun Persia siangpahrang Sairas nun chung vialte, Persia siangpahrang Darius a bawi tiangin, an i tinhmi cu a pelh khawh nakhnga annih nih fimchimtu kha an i roih hna.

EZRA 5:1

Profet Haggai le Iddo fapa profet Zekhariah nih khan, Judah le Jerusalem i a ummi Judah mi hna sinah cun, an cung i a ummi Israel Pathian min khan bia an chim.

EZRA 5:5

Sihmanhsehlaw an Pathian mit cu Judah upa hna cungah khan a um i Darius sinah thawng theihternak a phak hlan le cu kong i lehnak ca in a kir hlantiang cu an ngolter kho hna lo.

EZRA 6:1

Cun Darius siangpahrang nih cun nawlbia a chuah i Babilonia i ca an chiahnak thilhlunkhonnak inn chung cu an kawl.

EZRA 6:14

Cun profet Haggai le Iddo fapa Zekhariah chimnak thawngin Judah mi upa hna nih cun an sak i an hma a kal. Israel Pathian nawlbia le Persia siangpahrang Sairas, Darius, le Artazaksis nawl peknak thawngin, an inn sak cu an lim;

EZRA 6:15

cun hi inn cu Darius siangpahrang a bawi kum ruknak kum Adar thla ni thum ni ah lim a si.

NEHEMIAH 6:3

Cun annih sinah cun lamkal ka hei thlah hna i, “Rian nganpi pakhat ka ṭuan lio a si i cucaah cun ka rung thiam lai lo. Nanmah sin i ka run chungah zeicahdah rian cu ngol a rak si hnga?” tiah ka leh hna.

NEHEMIAH 6:9

Zeicahtiah annih nih an thinphang hna seh ti kha an ka duh i, “Rian ṭuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu ṭhawnter ko hna.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

DANIEL 11:2

Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a ṭhawnnak kha a chawva in a vun karhter tikah Grik pennak doh awkah vawlei pumpi kha a ṭhanghter lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

HAGGAI 1:1

Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan.

HAGGAI 1:15

Ralkapbu Bawipa, an Pathian inn ah cun rianṭuan hram an thawk.

HAGGAI 2:15

Asinain nihin thawk in hmailei ah a tlung dingmi thil hi ruat hmanh u. Bawipa biakinn chungah lung pakhat kha lung dang pakhat cung i nan chonh hlanah khan zeitindah nan rak um?

HAGGAI 2:18

Nihin ni thawk hin hmailei cu ṭha tein ruat cang tuah u, thla kua thla, ni kul le ni li ni thawk hin. Bawipa biakinn hram nan bunh ni thawk hin ruat cang tuah u.

ZEKHARIAH 1:1

Siangpahrang Darius a bawi kum hnih kum, thla riat thla ah, Bawipa bia cu profet Zekhariah sinah a phan; Zekhariah cu Berekhiah fapa a si, Berekhiah cu lddo fapa a si:

1THESALON 2:18

Nanmah rak in tlawn ṭhan hna kha kan duh i keimah Paul zong hi nanmah tlawn ṭhan cu kaa tim lengmang, asinain Satan nih a ka onh lo.