EZRA 4:22 - Lai (Hakha) Common Language Bible 2006

²² Cun hi thil kongah hin thluarthlap in nan um nakhnga lo i ralring tuah u; zeicahdah siangpahrang cu harnak pek awkah rawhnak cu a ṭhan lai?” tiah a ti.

EZRA 4:22 ပူးပေါင်းရင်းမြစ်များ

EZRA 4:13

Hi khua hi an remh ṭhan i a kulhnak vampang cu an lim hna ahcun, ngunkhuai le thil ngeih man le lam hman man kha an pe duh lai lo i siangpahrang tangka hmuhnak kha an donhkhanh lai ti kha siangpahrang nih rak hngal ko seh.

EZRA 4:21

Cucaah cun keimah nih nawlbia ka chuah hlantiang, hi mi hna hi ngolter an si i khua cu remh ṭhan a si nakhnga lo, nawlbia chuah tuah u.

EZRA 4:23

Siangpahrang Artazaksis cakuat khawpi cu Rehum le caṭialtu Shimshai le an hawikom hna hmaiah khan rel a si tikah, Jerusalem i a ummi Judah mi sinah khan khulrang in an va kal i zaang-ennak le thazang in an ngolter hna.

DANIEL 6:2

an cungah cun vuanzi pathum a chiah hna; siangpahrang duhnak kha a tlin khawh nakhnga mangki bawi hna nih cun cu vuanzi pathum hna sinah cun thawngthanhnak an tuah lengmang awk a si i cu pathum hna lak i pakhat cu Daniel kha a si ve.

DANIEL 6:3

An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.