EZRA 4:20 - Lai (Hakha) Common Language Bible 2006

²⁰ Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.

EZRA 4:20 ပူးပေါင်းရင်းမြစ်များ

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

1 SIANGPAHRANG 5:1

Tair siangpahrang Hiram nih Solomon cu a pa hmun ah siangpahrang ah an ser cang ti kha a theih tikah, a sinah sinum kha a hei thlah hna; zeitintiah Hiram nih David cu a rak dawt zungzal.

1 SIANGPAHRANG 5:4

Sihmanhsehlaw atu cu Bawipa ka Pathian nih a kenkip ah daihnak a ka pek i ral siseh, vanchiatnak siseh a um lo.

1 CHANRELNAK 18:13

Cun Edom ram chungah ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

1 CHANRELNAK 18:3

David nih Zufrates tiva i a lungphun bunh awk i a kalpah ah Hamath lei i a ummi Zobah siangpahrang Hadadezer zong kha a tei.

1 CHANRELNAK 18:6

Cun David nih Damaskas i Siria ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 CHANRELNAK 19:19

Cun Hadadezer sal hna nih khan Israel mi nih an tei ti kha an hmuh tikah, David he cun remnak an ser i a kut tangmi ah an cang. Cucaah Siria mi nih Ammon mi kha bawmh an duh ti hna lo.

2 CHANRELNAK 17:11

Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng thong sarih za sarih le mehehtum thong sarih le za sarih an rak pek.

2 CHANRELNAK 9:14

mah hihi chawlet hna le chawdawr hna nih an luhpimi lengah a si; cun Arabia siangpahrang vialte le ram uktu bawi hna nih khan Solomon sinah sui le ngun kha an ratpi.

EZRA 4:13

Hi khua hi an remh ṭhan i a kulhnak vampang cu an lim hna ahcun, ngunkhuai le thil ngeih man le lam hman man kha an pe duh lai lo i siangpahrang tangka hmuhnak kha an donhkhanh lai ti kha siangpahrang nih rak hngal ko seh.

EZRA 4:16

Hi khua hi remh ṭhan a si i a kulhnak vampang hna kha lim an si ahcun, Tiva Ral ram chungah hin ram na ngei ti lai lo ti kha siangpahrang cu kan in hngalhter,” an ti.

EZRA 4:19

Cun nawl ka pek hna i an kawl i, hlanlio piin hi khua hi siangpahrang hna doh awkah ral a tho i a chungah hin dohnak le tuknak khuakhan a si tawn ti kha hmuh a si.

EZRA 4:21

Cucaah cun keimah nih nawlbia ka chuah hlantiang, hi mi hna hi ngolter an si i khua cu remh ṭhan a si nakhnga lo, nawlbia chuah tuah u.

EZRA 7:24

Cun hi Pathian inn chung tlangbawi si hna seh, Levi mi si hna seh, hlasatu si hna seh, kutka cawngtu si hna seh, biakinn rianṭuantu si hna seh, rianṭuantu dangdang si hna seh, ahohmanh ngunkhuai siseh, thil ngeih man siseh, lam hman man siseh, thawhter cu a phung a si lai lo ti zong kha kan in theihter hna.

SALM 72:8

A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

EZEKIEL 19:11

A nge hna cu an ṭhawng i Uktu bawi ṭhiangṭhunh i ser awk hmanh ah an i tlak. A hung sang i a dang cungah khan a hung fong, A san caah khan le a nge an tam caah khan a lang ngaingai.

MATTHAI 9:9

Cuka hmun cun Jesuh cu a chuak i a kalpah ah khan ngunkhuai khawltu Matthai a zung i a rak ṭhut ko kha a hmuh. Amah cu, “Ka zul,” tiah a ti. Matthai cu a tho i a zulh.