EZRA 4:19 - Lai (Hakha) Common Language Bible 2006

¹⁹ Cun nawl ka pek hna i an kawl i, hlanlio piin hi khua hi siangpahrang hna doh awkah ral a tho i a chungah hin dohnak le tuknak khuakhan a si tawn ti kha hmuh a si.

EZRA 4:19 ပူးပေါင်းရင်းမြစ်များ

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

2 SIANGPAHRANG 24:20

Hi thil Jerusalem le Judah i a tlun cu Bawipa a thin a hun tuk caah khan a si, a donghnak ah cun a sinin a hlonh ko hna. Cun Zedekiah nih Babilon siangpahrang a doh.

EZRA 4:15

na pupa hna cazin khumhnak cauk chung kha rak kawl u law, cazin khumhnak cauk chungah cun hi khua hi hlanlio piin ralthawh hmangmi khua, siangpahrang le ram ca i intuarnak petu, a chung i ral thawhnak tuah tawnnak a si kha na hmuh lai. Cucaah cun pei hi khua cu hrawh a rak si cu.

EZRA 4:18

Cun ca nan kan kuatmi kha ka hmaika ah fiang tein rel a si.

EZRA 4:20

Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.

EZRA 5:17

Cucaah siangpahrang nih a ṭha tiah a ruah ahcun, Babilon i siangpahrang thilhlun khonnak ah khan rak kawl hna seh law, hi Pathian inn Jerusalem i a ummi sak ṭhannak caah hin Siangpahrang Sairas nih nawlbia a chuah maw chuah lo rak zoh hna seh. Cun siangpahrang nih hi kong i a duhnak kha kan kua seh,” tiah an ti.

PHUNGTHLÛKBIA 25:2

Pathian nih thil a thuh hi a sunparnak a si; Sihmanhsehlaw siangpahrang hna sunparnak tu cu thil fianter hi a si.

DEUTERONOMI 13:14

nan dothlat lai i nan kawl lai i fel tein nan hal lai; cun zohhmanh, cu bantuk thil fihnung cu nan lakah tuah a si kha a dik le a si hrimhrimmi a si ahcun,