EZRA 4:16 - Lai (Hakha) Common Language Bible 2006

¹⁶ Hi khua hi remh ṭhan a si i a kulhnak vampang hna kha lim an si ahcun, Tiva Ral ram chungah hin ram na ngei ti lai lo ti kha siangpahrang cu kan in hngalhter,” an ti.

EZRA 4:16 ပူးပေါင်းရင်းမြစ်များ

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

EZRA 4:15

na pupa hna cazin khumhnak cauk chung kha rak kawl u law, cazin khumhnak cauk chungah cun hi khua hi hlanlio piin ralthawh hmangmi khua, siangpahrang le ram ca i intuarnak petu, a chung i ral thawhnak tuah tawnnak a si kha na hmuh lai. Cucaah cun pei hi khua cu hrawh a rak si cu.

EZRA 4:17

Cun siangpahrang nih cun lehnak ca a kuat hna i, “Ralbawi Rehum le caṭialtu Shimshai le an hawikom Samaria le Tiva Ral ram i a ummi hna, nan kut kan tlaih hna.

EZRA 4:20

Cun Tiva Ral ram a ning piin a rak uk i, ngunkhuai, thil ngeih man le lam hman man an rak pekmi hna siangpahrang ṭhawngṭhawng kha Jerusalem uktu hi an rak si tawn.