EZRA 4:10 - Lai (Hakha) Common Language Bible 2006

¹⁰ cun a ngan i a ṭhami Osnappar nih Samaria ram chung khua hna le Tiva Ral ram a tangmi chung i a kalpi hna i a umtermi miphun hna nih khan ca cu an ṭial i

EZRA 4:10 ပူးပေါင်းရင်းမြစ်များ

EZRA 4:1

Judah mi le Benjamin mi an ral hna nih, saltang kir hna nih Bawipa, Israel Pathian inn kha an sa, ti an theih tikah,

EZRA 4:11

mah hihi an kuatmi ca a khawpi cu a si — “Artazaksis siangpahrang sinah: Tiva Ral ram i a ummi na sal hna nih na kut kan in tlaih.

EZRA 4:17

Cun siangpahrang nih cun lehnak ca a kuat hna i, “Ralbawi Rehum le caṭialtu Shimshai le an hawikom Samaria le Tiva Ral ram i a ummi hna, nan kut kan tlaih hna.

EZRA 7:12

“Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah:

NEHEMIAH 4:2

A unau hna le Samaria ralkapbu hna um hngan ah khan aa thawh i, “Hi Judah mi santlailo rual nih hin zei kan tuah an hei ti hnga dah? Thil kha an remh ṭhan hna lai maw? Raithawinak kha an tuah lai maw? Ni khat ah an lim hnga maw? Hnawmpon chung lung, khangh ciami lung hna kha an nunter ṭhan hna hnga maw?” tiah a ti.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.