EZRA 3:7 - Lai (Hakha) Common Language Bible 2006

⁷ Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

EZRA 3:7 ပူးပေါင်းရင်းမြစ်များ

2 SAMUEL 5:11

Cun Tair siangpahrang Hiram nih David kha lamkaltu le sidar thing le zungthiammi hna le lungremhthiam hna zong kha a kuat i David kha inn pakhat an sakpiak.

1 SIANGPAHRANG 5:6

Cucaah Lebanon tlang i sidar thing cu an ka haupiak nakhnga nawl pe hna; cun ka sinum hna nih na sinum hna kha an bawmh hna lai i nangmah nih na khiahning bantukin na sinum hna cu ṭuan man ka pek hna lai; zeitintiah Sidon mi tlukin thing saih a thiammi kan lakah an um lo ti kha na hngalh,” tiah a ti.

2 SIANGPAHRANG 12:10

Cun thingkuang chungah tangka tampi a um ti an hngalh fate, siangpahrang Caṭialtu le tlangbawi ngan kha an hung i Bawipa inn chungah an hmuhmi tangka cu an rel i sawngkhoi in an beo hna.

2 SIANGPAHRANG 12:13

Sihmanhsehlaw Bawipa inn caah cun ngun hmaihum le mei hmihnak le khengkuar le muko le sui umkheng paohpaoh le ngun umkheng paohpaoh cu, Bawipa inn chungah rak putmi tangka in ser a um lo,

2 CHANRELNAK 34:10

Bawipa inn a zohkhenhtu rianṭuantu hna sinah khan an pek i Bawipa inn chung i rian a ṭuanmi hna nih cun inn cu remh ṭhan le dawhter ṭhannak caah an hman.

EZRA 3:6

Thla sarihnak thla, a ni khat ni thawk in Bawipa sin i khangh thawinak pekchanh cu hram an thawk. Sihmanhsehlaw Bawipa biakinn hram cu an bunh rih lo.

EZEKIEL 27:17

Judah le Israel zong nih an in dawr, Minnith in a chuakmi changvut le rawl le a thlummi thil le chiti le balsam thingthling kha na cawk awk caah an in pek.

JONAH 1:3

Sihmanhsehlaw Jonah cu Bawipa sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i Bawipa nih a phak khawh lonak Tarshish khua ah khan, cu lawng cun ka kal lai, tiah a ruah.

LAMKALTU 12:20

Herod cu Tair le Sidon mi hna cungah khan a thin a hun ngaingai caah, cu hna nih cun a bu in amah cu ton awkah a sinah khan an va kal. A hmasa bik ah siangpahrang inn uktu Blastas kha anmah lei ṭang dingin an i sawm. Cun Herod sinah cun an va kal i i rem ko u sih, tiah an va nawl. Zeicahdah tiah an rawl laknak cu Herod siangpahrang ram hin a si.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:38

Joppa khua cu Lidda khua khan a hla tuk lo i zultu pawl nih khan Peter cu Lidda ah a um ti an theih tikah mi pahnih an hei thlah hna i, “Khulrang in kan sinah ra ta tuah,” tiah bia an cah.

LAMKALTU 9:43

Peter cu Joppa khua ah khan saphaw sertu Simon sinah saupi a cam.