EZRA 3:6 - Lai (Hakha) Common Language Bible 2006

⁶ Thla sarihnak thla, a ni khat ni thawk in Bawipa sin i khangh thawinak pekchanh cu hram an thawk. Sihmanhsehlaw Bawipa biakinn hram cu an bunh rih lo.

EZRA 3:6 ပူးပေါင်းရင်းမြစ်များ

EZRA 3:5

cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

LEVITIKAS 23:25

Rian fak zeihmanh nan ṭuan lai lo i Bawipa sinah mei in thawinak nan pek lai,” tiah a ti.

NAMBAR 29:1

“Thla sarihnak thla a ni khatnak ni ah a thiangmi pumhnak nan ngei lai; rian fak nan ṭuan lai lo. Nannih caah muko tumnak ni a si lai i,

NAMBAR 29:2

khangh thawinak, Bawipa ca rimthaw cu, nan pekchanh lai: cawtum no pakhat, tuukawng pakhat, kum khat a timi tuufa dotla a pa pasarih;