EZRA 3:2 - Lai (Hakha) Common Language Bible 2006

² Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa ṭial bangin, a cung i khangh thawinak pekchanh awkah Israel Pathian i a biakṭheng cu an ser.

EZRA 3:2 ပူးပေါင်းရင်းမြစ်များ

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

1 CHANRELNAK 23:14

Sihmanhsehlaw Pathian mi Moses i a fapa hna kha cu Levi mi phun chungah khan rel an si.

1 CHANRELNAK 3:17

cun ral tlaihmi Jekoniah i fapa hna cu: a fapa Shealtiel,

1 CHANRELNAK 3:19

Pedaiah fapa hna cu: Zerubbabel le Shimei; Zerubbabel fapa hna cu: Meshullam le Hananiah, Shelomith cu an far a si;

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

EZRA 10:18

Tlangbawi fapa hna lakah ramdang nu a ṭhimi hna cu Maaseiah, Eliezer, Jarib, le Gedaliah an si, annih cu Jozadak fa Jeshua le a unau hna i fapa chung mi an si.

EZRA 10:20

Immer tefa hna chungin; Hanani le Zebadiah.

EZRA 10:21

Harim tefa hna chungin: Maaseiah, Elijah, Shemaiah, Jehiel, le Uzziah.

EZRA 10:22

Pashhur tefa hna chungin: Elioenai, Maaseiah, Ishmael, Nethanel, Jozabad le Elasah.

EZRA 2:2

Annih cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah sin i a kirmi an si. Israel mi cu hi zat hi an si:

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

NEHEMIAH 12:1

Shealtiel fapa Zerubbabel le Jeshua he a rami tlangbawi hna le Levi mi hna cu mah hna hi an si: Seraiah, Jeremiah, Ezra,

NEHEMIAH 12:8

Cun Levi mi hna cu mah hna hi an si: Jeshua, Binnui, Kadmiel, Sherebiah, Judah le Mattaniah, Mattaniah hi a unau hna he lawmhnak hla a tawlreltu an si.

SALM 78:68

Judah phun tu kha a thim i a duh ngaingaimi Zion Tlang tu kha a thim.

EXODUS 27:1

“Biakṭheng cu anri thing in na ser lai. Tungvangpalh a si lai, a tung pe sarih le a cheu, a vang pe sarih le a cheu a si lai i a san cu pe li le a cheu a si lai.

HAGGAI 1:1

Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan.

HAGGAI 1:12

Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun ṭihnak in an khat.

HAGGAI 1:14

“Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

HAGGAI 2:21

“Judah uktu bawi Zerubbabel cu, ‘Van le vawlei le

HAGGAI 2:23

Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah Bawipa nih a ti, tiah va chim,” a ti. Hihi ralkapbu Bawipa bia a si.

ZEKHARIAH 3:1

Cun Bawipa vancungmi hmai i a dirmi Tlangbawi Ngan Joshua le amah cu sualphawt awkah a orhlei kam in a dirhnawhtu Satan kha ka hmuh.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

ZEKHARIAH 6:11

La hna law bawiluchin pakhat in ser law Jehozadak fapa Tlangbawi Ngan Joshua lu ah khan chin tuah.

NAMBAR 28:2

“Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

LUKA 3:27

Joda cu Joanan fapa a si, Joanan cu Resa fapa a si, Rhesa cu Zerubbabel fapa a si, Zerubbabel cu Shealtiel fapa a si; Shealtiel cu Neri fapa a si;

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.