EZRA 3:11 - Lai (Hakha) Common Language Bible 2006

¹¹ cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

EZRA 3:11 ပူးပေါင်းရင်းမြစ်များ

1 CHANRELNAK 16:34

Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

NEHEMIAH 12:24

Pathian mi David nawl peknak ning khan, phu khat le phu khat nih aa chaang lengmang in thangṭhatnak le lawmhnak pek awk ah; an unau hna he hmaitonh in a ummi Levi mi upa bikbik hna cu Hashabiah, Sherebiah le Kadmiel fapa Jeshua an si.

NEHEMIAH 12:40

Cucaah lawmhnak hlasatu bu hna kha an bu hnih in Pathian inn chungah khan an dir i keimah le bawi pawl hnarcheu zong kha kan dir ve.

SALM 100:5

Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

SALM 118:1

Bawipa cu a ṭhat i a dawtnak cu zungzal in a hmunh caah lawm tuah u!

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

SALM 135:3

Bawipa cu a ṭhat caah thangṭhat u zaangfah thiammi a si caah a min cu hla in thangṭhat u.

SALM 47:1

Mi vialte hna, lunglawm in nan zapei beng tuah u, hla dawhdawh in Pathian cu thangṭhat u!

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

HAGGAI 2:3

“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

LUKA 1:50

Amah a ṭihmi vialte kha chan khat hnu chan khat in a zaangfah hna.

JOSHUA 6:10

Sihmanhsehlaw Joshua nih mi hna kha, “Au u, tiah kan ti hna ni hlantiang nan au lai lo, nan aw zong theih awk nan siter lai lo, nan kaa zongin zei bia hmanh nan chuahter lai lo,” tiah nawl a pek hna.

JOSHUA 6:16

Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah Bawipa nih khua cu an pek cang hna,” a ti.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.