EZRA 10:18 - Lai (Hakha) Common Language Bible 2006

¹⁸ Tlangbawi fapa hna lakah ramdang nu a ṭhimi hna cu Maaseiah, Eliezer, Jarib, le Gedaliah an si, annih cu Jozadak fa Jeshua le a unau hna i fapa chung mi an si.

EZRA 10:18 ပူးပေါင်းရင်းမြစ်များ

EZRA 10:17

cun thla khatnak thla a ni khat ni ah, ramdang nu a ṭhimi vialte hna donghnak cu a phan.

EZRA 2:2

Annih cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah sin i a kirmi an si. Israel mi cu hi zat hi an si:

EZRA 2:36

Tlangbawi hna: Jeshua hrin chung i Jedaiah tefa hna cu za kua le sawm sarih le pathum an si.

EZRA 3:2

Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa ṭial bangin, a cung i khangh thawinak pekchanh awkah Israel Pathian i a biakṭheng cu an ser.

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

NEHEMIAH 12:10

Cun Jeshua cu Joiakim pa a si, Joiakim cu Eliashib pa a si, Eliashib cu Joiada pa a si,

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 8:4

Cu bantuk biachimnak ca i an sermi thing donhhlei ah cun cazi Ezra cu a dir i a pawngah cun a orhlei kamah Mattithiah, Shema, Anaiah, Uriah, Hilkiah le Maaseiah; cun a kehlei kamah Pedaiah, Mishael, Malkhijah, Hashum, Hashbaddanah, Zekhariah le Meshullam an dir.

NEHEMIAH 8:7

Cun mi zapi cu an umnak hmun i an um lio cio ah khan Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah, hna zong nih khan mi zapi cu phungbia kha an hngalh nakhnga an bawmh hna.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

JEREMIAH 23:14

Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

EZEKIEL 44:22

Nuhmei siseh, makmi siseh, a ṭhi lai lo, Israel hrin a simi ngaknu kha a ṭhit lai. Tlangbawi rohmi nuhmei bel a ṭhit khawh lai.

LEVITIKAS 21:7

Hlawhhlangnu siseh, a thur cangmi nu siseh, an ṭhi hna lai lo; makmi nu zong an ṭhi lai lo; zeitintiah tlangbawi cu a Pathian caah mithianghlim a si awk a si.

HAGGAI 1:1

Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan.

HAGGAI 1:12

Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun ṭihnak in an khat.

HAGGAI 2:4

Sihmanhsehlaw atu cu maw Zerubbabel, na lungṭhawng ko, tiah Bawipa nih a ti; maw Jehozadak fapa Joshua, Tlangbawi Ngan, na lungṭhawng ko; ramchung mi vialte hna, ṭuan tuah u, tiah ralkapbu Bawipa nih a ti.

ZEKHARIAH 3:1

Cun Bawipa vancungmi hmai i a dirmi Tlangbawi Ngan Joshua le amah cu sualphawt awkah a orhlei kam in a dirhnawhtu Satan kha ka hmuh.

ZEKHARIAH 6:11

La hna law bawiluchin pakhat in ser law Jehozadak fapa Tlangbawi Ngan Joshua lu ah khan chin tuah.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.