EZRA 1:7 - Lai (Hakha) Common Language Bible 2006

⁷ Nebukhadnezzar nih Jerusalem i a rak kalpi i a pathian hna inn chungah a rak chiahmi Bawipa inn umkheng hna zong kha Sairas siangpahrang nih cun a chuah hna.

EZRA 1:7 ပူးပေါင်းရင်းမြစ်များ

2 SIANGPAHRANG 24:13

Bawipa nih a rak chimchung bang khan, Bawipa inn chung ro thil vialte le siangpahrang inn chung ro thil vialte kha a lak hna i Israel siangpahrang Solomon nih a rak sermi sui umkheng, Bawipa biakinn i a ummi vialte kha a khuai dih cikcek hna.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

2 CHANRELNAK 36:18

Cun Pathian inn chung i a ummi umkheng vialte, a hme a ngan in, cun Bawipa inn rothil hna le siangpahrang le a bawi pawl rothil vialte hna cu an dihlak in Babilon ah an kalpi hna.

2 CHANRELNAK 36:7

Bawipa inn chung i a ummi umkheng a cheu hna zong kha Nebukhadnezzar nih Babilon ah a kalpi hna i Babilon i a siangpahrang inn ah cun a chiah hna.

EZRA 5:14

Cun Pathian inn chung i sui le ngun umkheng hna, Nebukhadnezzar nih Jerusalem khua i a ummi biakinn chungin a chuah i Babilon i a ummi biakinn chungah a kalpimi hna cu, hi thil hna cu Siangpahrang Sairas nih Babilon biakinn khan a chuah hna i amah nih uktu bawi ah a sermi mipa pakhat a min Sheshbazzar a simi sinah khan a pek;

EZRA 6:5

Cun Pathian inn chung i sui le ngun umkheng hna, Jerusalem i a ummi biakinn chungin Nebukhadnezzar nih a lak i Babilon ah a ratpimi hna zong kha khirh ṭhan si hna seh law, Jerusalem i a ummi biakinn ah khan anmah le an hmunte cio ah chiah ṭhan si hna seh; Pathian inn chungah khan nan chiah hna lai,” ti in a um.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.