EZRA 1:6 - Lai (Hakha) Common Language Bible 2006

⁶ an pawngkam i a ummi vialte hna nih khan ngun umkheng le sui le thilri le saṭil le a man a fakmi thilri khan, mah lungtho tein thawhmi thil ri lengah khan an bawmh hna.

EZRA 1:6 ပူးပေါင်းရင်းမြစ်များ

1 CHANRELNAK 29:9

Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm.

EZRA 1:4

cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saṭil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

EZRA 8:33

A ni linak ni ah cun, kan Pathian inn chungah khan, ngun le sui le umkheng hna cu Uriah fapa tlangbawi Meremoth kut chungah khan kan thlai hna i kan pek hna, amah sinah cun Finehas fapa Eleazar kha a um i an sinah cun Levi mi Jeshua fapa Jozabad le Binnui fapa Noadiah kha an um.

NEHEMIAH 6:9

Zeicahtiah annih nih an thinphang hna seh ti kha an ka duh i, “Rian ṭuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu ṭhawnter ko hna.

SALM 106:46

Thong i a thlatu hna kha an cungah zaangfahnak a ngeihter hna.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

EXODUS 12:35

Israel mi nih cun Moses nih a chimh hna bang khan, Izipt mi cu sui hlawn le ngun hlawn le hnipuan kha an hal hna.

EXODUS 12:36

Bawipa nih Izipt mi cu Israel mi cungah khan hmaizahnak a ngeihter hna i an halmi hna paoh kha an pek hna. Israel mi nih Izipt mi cu an ṭheh ṭipṭiap ko hna.

ISAIAH 35:3

A tha a bami cu an kut ṭhawnter hna u law a khuk a thermi cu thazang pe hna u

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.