EZRA 1:5 - Lai (Hakha) Common Language Bible 2006

⁵ Khi tikah Judah phun le Benjamin phun chung i pale innchungkhar lu cio a simi hna le tlangbawi hna le Levi mi hna, Bawipa inn Jerusalem i a ummi sak ṭhan awkah Pathian nih an lungthin a canghtermi vialte kha an tho i,

EZRA 1:5 ပူးပေါင်းရင်းမြစ်များ

2 CHANRELNAK 36:22

Jeremiah kaa in a langmi Bawipa bia cu a tlin nakhnga, Persia siangpahrang Sairas a bawi kum khatnak ah, Bawipa nih Sairas thlarau cu a hninhsaih i cucaah a pennak ram chung vialte ah thawng thanhnak a tuah i,

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 1:4

cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saṭil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

NEHEMIAH 2:12

Cun zan ah keimah sin i a ummi mi tlawmpal he khan ka tho; sihmanhsehlaw Jerusalem khua ca i tuah awkah Pathian nih ka lung chungah a chuahtermi tu cu ahohmanh ka chim hna lo. Kaa citmi saṭil dah ti lo cu ka sinah saṭil zeihmanh an um lo.

PHUNGTHLÛKBIA 16:1

Minung nih khua cu an khan ko lai, sihmanhsehlaw a donghnak bia a ngeitu cu Pathian a si.

HAGGAI 1:14

“Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.