EZRA 1:3 - Lai (Hakha) Common Language Bible 2006

³ Nannih amah mi vialte hna, nan sin i a ummi paoh cu a sinah a Pathian kha um seh law, Judah ram i a ummi Jerusalem khua ah cun hung kal seh, cun Bawipa, Israel Pathian inn cu hung sa seh — amah cu Jerusalem i a ummi Pathian cu a si;

EZRA 1:3 ပူးပေါင်းရင်းမြစ်များ

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

EZRA 1:4

cun a nung rihmi paohpaoh cu, khuazei ka i a um a si hmanh ah, a umnak mi hna nih cun ngun le sui le thilri le saṭil in, Pathian inn Jerusalem i a ummi ca i mah lungtho tein pekmi lengah khan, rak bawm hna seh,” a ti.

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, “Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai,” tiah an ti hna.

EZRA 5:13

Sihmanhsehlaw Babilon uktu siangpahrang Sairas a bawi kum khatnak ah, Sairas siangpahrang nih cun hi Pathian inn hi remh ṭhan a si nakhnga nawlbia a chuah.

EZRA 5:3

Cucaah cun Tiva Ral ram a uktu bawi Tattenai le Shethar-bozenai le an hawikom hna cu an sinah khan an ra i, “Aho nih dah hi inn le hi vampang hi sak awk le lim awkah nawl an pek hna?” tiah an ti hna.

EZRA 6:7

hi Pathian biakinn rian hi dawnkhan hlah u; Judah mi uktu bawi le Judah mi upa hna nih hi Pathian inn hi amah hmun te ah khan sa ṭhan ko hna seh.

SALM 132:13

Zeicahtiah Bawipa nih Zion cu aa thim cang i khika ah a umnak inn kha ser a duh.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.