EZRA 1:2 - Lai (Hakha) Common Language Bible 2006

² “Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 1:2 ပူးပေါင်းရင်းမြစ်များ

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

2 CHANRELNAK 2:12

Huram nih cun hi ti zong hin a ti fawn, “Bawipa, Israel Pathian, van le vawlei a ser i Bawipa caah biakinn le amah caah siangpahrang inn i saknak ding caah ruahnak fim le hngalhthiamnak a ngeimi fapa David Siangpahrang a petu cu thangṭhat si ko seh.

EZRA 1:5

Khi tikah Judah phun le Benjamin phun chung i pale innchungkhar lu cio a simi hna le tlangbawi hna le Levi mi hna, Bawipa inn Jerusalem i a ummi sak ṭhan awkah Pathian nih an lungthin a canghtermi vialte kha an tho i,

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, “Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai,” tiah an ti hna.

EZRA 5:15

cun amah cu a thawh i, “Hi umkheng hna hi i lak hna law va kal law Jerusalem i a um mi biakinn ah khan va chia hna, cun Pathian inn cu a hmun ah khan sak ṭhan si seh,” tiah a ti.

EZRA 6:3

Sairas siangpahrang a bawi kum khatnak ah, Sairas siangpahrang nih nawlbia a chuah: Jerusalem i a ummi Pathian kongah, raithawinak an pekchanhnak le khangh thawinak an rak putnak hmun inn cu sak ṭhan si seh; a san cu dong sawm ruk a si lai i a vang cu dong sawm ruk a si lai,

EZRA 7:12

“Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah:

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

NEHEMIAH 1:5

Cun kaa thawh i, “Maw Bawipa, vancung Pathian, nangmah an dawtu le na nawlbia a ulmi hna cung i biakamnak le a fekmi na dawtnak a hmunhtertu a lian a ngan i ṭih a nungmi Pathian,

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

SALM 85:2

Na mi hna an sualnak kha na ngaihthiam hna i an palhmi vialte kha na maimilh hna.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ISAIAH 41:2

“Aho nih dah teitu kha Nichuahlei in a ratpi i a kalnak kip ah teitu a siter lengmang? Aho nih dah siangpahrang hna le miphun hna kha a teiter hna? Annih cu leidip khi va si hna seh law cu bang, a vainam nih cun a sam duahmah ko hna; thlitu nih capawl a choih bantuk khin a thal nih a ṭhek hna.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

DANIEL 1:21

Daniel cu khika ah khan Sairas cu Babilon siangpahrang i a hung can tiang khan a um.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 2:28

Sihmanhsehlaw vancung ah khin biathli a phuang khotu Pathian pakhat a um i amah nih cun Siangpahrang Nebukhadnezzar cu hmailei ah zei thil dah a um lai, ti kha an chimh cang. Mah hihi na mang, naa hngilh lioah langhnak na hmuhmi cu a si:

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 6:25

Cun Dairus Siangpahrang nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.