EZEKIEL 8:1 - Lai (Hakha) Common Language Bible 2006

¹ Kum ruknak kum, thla ruknak thla, ni nganak ni ah inn ah ka ṭhu i Judah upa hna kha an ka leng.

EZEKIEL 8:1 ပူးပေါင်းရင်းမြစ်များ

EZEKIEL 20:1

Kum sarihnak kum, thla nganak thla ni hra ni ah, Israel mi upa tlawmpal hna cu Bawipa kha lungthin hal awkah an ra i ka sinah khan an ṭhu.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

EZEKIEL 14:1

Israel upa cheukhat hna kha an ra ka leng i ka hmai i an ṭhut lioah khan Bawipa nih a ka thawh i,

EZEKIEL 14:4

Annih cu chawn hna law hihi Bawipa Pathian bia a si tiah chim hna: Israel mi ahohmanh, a lung chungin a siasal aa khihchih peng i a tluktertu thil sual aa zohchih pengtu paoh nih profet sinah a rat ahcun, a siasal kha tam ko hna hmanh seh law keimah Bawipa nih ka pum in ka leh hrimhrim lai.

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

EZEKIEL 40:1

Sal i kan tan a kum kul le kum nganak, cu kum a hramthawk thla, a ni hra ni ah, cu ni hrimhrim ah cun Pathian kut cu ka cungah a phan i khika ah a ka kalpi, cucu khuapi a rawk hnu kum hleili kha a si.

EZEKIEL 37:1

Bawipa kut cu ka cungah a phan i a thlarau in a ka kalpi i ruh in a khatmi nel pakhat ah a ka chiah.

EZEKIEL 32:17

Kum hleihnih kum thla khatnak thla, ni hleinga ni ah Bawipa bia cu ka sinah a phan. A ka thawh i,

EZEKIEL 31:1

Kum hleikhat kum, thla thum thla, ni khat ni ah, hi bia hi Bawipa nih a ka chimh:

EZEKIEL 29:17

Kum kul le kum sarih kum, thla khatnak thla ni khat ni i Bawipa nih ka sinah a chimmi bia cu hihi an si:

EZEKIEL 29:1

Sal kan tan kum hra kum, thla hra thla, ni hleihnih ni ah, Bawipa nih ka sinah a chimmi bia cu hihi an si:

EZEKIEL 26:1

Hi bia hi kum hleikhat kum, thla khatnak thla ni khat ni i ka sinah Bawipa nih a chimmi a bia an si. A ka thawh i,

EZEKIEL 24:1

Sal kan tan kum kua kum thla hra thla ni hra ni ah Bawipa nih ka sinah a chimmi bia cu hihi a si.

EZEKIEL 3:22

Bawipa kut cu ka cungah a phan i a ka thawh i, “Tho tuah, nelrawn ah khin vung kal law khika ah bia kan chimh lai,” tiah a ka ti.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

EZEKIEL 3:12

Cun thlarau nih a ka cawi i, Bawipa sunparnak cu a umnak hmun in a thawh tikah khan ka hnulei ah thawng ṭihnung ngai pakhat ka theih.

2 SIANGPAHRANG 6:32

Elisha cu a inn ah khan a ṭhu ko i upa hna cu amah sinah khan an ṭhu ve. Cun siangpahrang nih amah sinin mi pakhat a thlah i lamkaltu kha a ra phak hlanah khan Elisha nih cun upa hna cu, “Zeitindah lainawngpa nih hin keimah lu kha tan awkah a mi a thlah ti kha nan hngal maw? Zohhmanh u, lamkaltu kha a rat tikah, innka kha khar u law innka kha fek tein hrenhkanh u. A bawipa ke lamh thawng nih amah cu a zulh colh a si lo mei?” tiah a ti.

EZEKIEL 7:27

Siangpahrang cu a ṭap lai, bawi cu vansangau in an um lai i zapi cu ṭihnak in an kut a ther lai. Hmuh awkah an i tlakning in an cungah ka tuah lai i zeicahdah thil an tuahmi kha an tuah tiah ka hal hna lai; cun annih nih keimah cu Bawipa ka si kha an ka hngalh lai,” tiah a ti.

EZEKIEL 8:2

Chikkhatte ah khin Bawipa kut cu ka cungah a hung um i minung a lomi pakhat kha ka hmuh. A tai toi vialte cu mei khi siseh law cu ko cu a lo i a tai cung vialte cu dar bantukin a tleu i a ceu.

EZEKIEL 33:22

An rat lai zan ah cun Bawipa kut cu ka cungah a tlung i an ka phak tikah zinglei ah cun Bawipa nih holh khawhnak kha a ka pek ṭhan. Ka holh kho ṭhan cang i holh loin ka um ti lo.

EZEKIEL 30:20

Kum hleikhat kum, thla khat thla, ni sarih ni i Bawipa bia ka sinah a rami cu hihi a si:

EZEKIEL 32:1

Kan saltan kum hleihnih kum, thla hleihnih thla, ni khatnak ni ah Bawipa bia cu ka sin a phan.