EXODUS 9:34 - Lai (Hakha) Common Language Bible 2006

³⁴ Faro nih ruah le rial le khuari kha an dih cang ti a hmuh tikah a sual ṭhan hoi i a bawi hna he khan lung hak in an um ṭhan.

EXODUS 9:34 ပူးပေါင်းရင်းမြစ်များ

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

EXODUS 4:21

Bawipa nih Moses cu a thawh i, “Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 7:14

Cun Bawipa nih Moses cu a thawh i, “Faro cu a lung a ṭhawng ngaingai i Israel mi hna kalter kha a duh lo.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

EXODUS 9:33

Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.

EXODUS 9:35

Bawipa nih Moses sinin a rak chim bantuk te khan lung hak cun a um i Israel mi cu kalter kha a duh hna lo.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

1 SAMUEL 6:6

Zeicahdah Izipt mi le Faro nih an lung an hahter bantukin nan hahter ve lai? A cawhdeh hna hnuah mi kha an kalter hna i an chuak, a si lo mei?