EXODUS 9:3 - Lai (Hakha) Common Language Bible 2006

³ nan saṭil cungah rai ṭihnung ka tlunter lai: nan rang si hna seh, nan laa si hna seh, nan kalauk si hna seh, nan caw si hna seh, nan tuu si hna seh, nan meheh si hna seh, an cungah rai ka tlunter lai.

EXODUS 9:3 ပူးပေါင်းရင်းမြစ်များ

GENESIS 47:17

Cucaah an saṭil cu Josef sinah khan an rak put hna i Josef nih khan an rangtum hna le tuu hna le meheh hna le caw hna le laa hna cu rawl khan a rak thlen hna. Cu kum cu an saṭil man ah khan rawl cu a pek hna.

SALM 39:10

Dan cu ka tat ti sawh hlah, na dantatnak in ka thi dengmang cang.

EXODUS 5:3

Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

EXODUS 7:4

na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai.

EXODUS 8:19

Camhthiam pawl nih khan Faro cu, “Hihi cu Pathian tuahmi a si,” an ti. Sihmanhsehlaw Faro cu a lung a hak ko i Bawipa nih a rak chim bantuk te khan Moses le Aaron cu an bia a ngai duh hna lo.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

LAMKALTU 13:11

Bawipa kut cu atu ah na cungah a tlung lai, na mit a caw lai i caan tlawmpal chung cu chun ceu na hmu lai lo,” tiah a ti. Chikkhatte ah khin Elimas mit cu minmei nak nih a zelh i a kut in a hruaitu dingmi kawl ah i dap lengmang in aa chawk.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.